काठमाडौं: यामाहा मोटरसाइकल तथा स्कुटरको आधिकारिक बिक्रेता एमएडब्लू इन्टरप्राइजेजले नयाँ वर्ष २०१७ को अवसरमा नयाँ अफर ल्याएको छ । नयाँ वर्षको उत्सवलाई थप उल्लासमय बनाउन कम्पनीले 'फाइभबुलस २०१७' अफर ल्याएको हो । यो अफरअन्तर्गत यामाहा ब्रान्डका जुनसुकै मोटरसाइकल वा स्कुटर खरिद गर्ने ग्राहकले पाँच हजार रुपैयाँ नगद छुट पाउनेछन् ।
एमएडब्लू इन्टरप्राइजेज, यामाहा डिभिजनका सेल्स एन्ड बिजनेस डेभलपमेन्ट एजीएम दीपक रौनियारका अनुसार कम्पनी सुरक्षा, गुणस्तर र विश्वस्तरीय अनुभवप्रति निकै सचेत रहेको छ । दसैं अफरमा ग्राहकको प्रतिक्रियाबाट उत्साहित भएर नयाँ वर्षको अफर ल्याएको उनले बताए । नयाँ वर्ष योजना यामाहाका सबै मोटरसाइकल र स्कुटरका मोडेलमा लागू हुनेछ ।
एमएडब्लूले यसै वर्ष स्पोर्टी स्कुटर रे जेडआरलाई नेपालमा ल्याएको थियो । यसबाहेक बजारमा यामाहा एफजेड-एस एफआई, एफजेड एफआई, आर १५, स्यालुटो, एसजीआरआर, फेसिनो, रेजी र प्राविधिक रूपमा उच्चस्तरीय आर ३ उपलब्ध छन् । यामाहाका मोटरसाइकल र स्कुटर प्याटेन्टेड 'ब्लु कोर' इन्जिन रहेको कम्पनीले जनाएको छ । नेपालमा रेसिङ कल्चर भित्र्याउने श्रेय पाएको आर १५ को डिजाइन र इन्जिन युवामाझ लोकप्रिय रेसिङ बाइक आर १ बाट प्रभावित छ । यामाहाको आर १५ र एफजेडमा फ्युल इन्जेक्सन (एफआई) प्रविधि जडान गरिएको छ जसले पर्फमेन्स बढाउनुका साथै इन्धन खपत घटाउँनेछ ।
प्रतिक्रिया दिनुहोस !
