काठमाडौं: चौधरी गु्रपले भर्खरैमात्रै नेपाली बजारमा तोसिबाका स्मार्ट टीभी र घरायसी सामान भित्र्याएको छ । कम्पनीले एलईडी टीभीमा तोसिबाका तीन नयाँ सिरिज बजारमा भित्र्याएको हो । नयाँ भित्रिने सिरिजमा एल ५५, एल ३६ र एल २६ छन् ।
एल ३६ र एल २६ सिरिजका टीभीमा ५ स्टार प्रोटेक्सन, २० डब्ल्यू साउन्ड आउटपुट जस्ता सुविधा उपलब्ध छन् । २४ देखि ५५ इञ्चसम्ममा उपलब्ध यी टीभीको बजार मूल्य २४ हजारदेखि ९२ हजार रुपैयाँसम्म रहेको कम्पनीले जनाएको छ ।
तोसिबाको कटिङ एज डिस्प्लेमा एल ५५ स्मार्ट सिरिज अहिलेको मुख्य आकर्षण रहेको कम्पनीले जनाएको छ । सजिलैसँग ठूलो स्क्रिनमा इन्टरनेट चलाउन सकिने यो टीभीमा क्लाउड बेस प्लेटफर्म (टीभीको इन्टरनल मेमोरी प्रयोग नगरी सबै एपलाई क्लाउड सर्भरमा स्टोर गर्न सकिने) छ । यसका प्रयोगकर्ताले आफूले चाहेको एप्स डाउनलोड गर्न सक्ने कम्पनीले जनाएको छ ।
साथै टीभीका प्रयोगकर्ताको सहजाताका लागि रिमोटमै युट्युब बटन राखिएको छ जसबाट प्रयोगकर्ताले ठूलो स्क्रिनमा युट्युब भिडियोको मज्जा लिन सक्नेछन् । एल ५५ स्मार्ट सिरिजका टीभीमा इन्टरनेटको प्रयोगलाई अझ प्रभावकारी तुल्याउन टीभी रिमोटमै ब्राउजर बटन पनि प्रयोग गरिएको छ । यसले प्रयोगकर्तालाई इन्टरनेट एवं सामाजिक सञ्जालमा जोडिन सजिलो हुनेछ ।
कम्पनीका अनुसार यसको अर्को महत्र्वपूर्ण विशेषता यसमा राखिएका एप्स हुन् । प्रयोगकर्ताले एप स्टोरमा गएर आफूलाई आवश्यक पर्ने एप्स डाउनलोड गरी प्रयोग गर्न सक्नेछन् ।
एल ५५ सिरिजका टीभीमा स्क्रिन मिररिङ सिस्टम रहेको छ जसको माध्यमबाट प्रयोगकर्ताले आफ्नो स्मार्टफोन, ल्याप टप, ट्यावलेटलाई सजिलैसँग टीभीमा कनेक्ट गरी ठूलो स्क्रिनमा हेर्न सक्नेछन् । साथै टीभीमा राखिएको मल्टी स्क्रिनका मद्दतले एकै पटक इन्टरनेट र टीभीको मज्जा लिन सक्नेछन् । उनीहरूले आफ्नो मनपर्ने वेभपेज, टीभी च्यानललाई कस्टमाइज गरी राख्न सक्नेछन् ।
प्रतिक्रिया दिनुहोस !
