ग्लोबल आईएमई बैंकले आफ्नो १० औं वार्षिकोत्सवको अवसरमा रक्तदान तथा निःशुल्क मधुमेह परीक्षण कार्यक्रमको आयोजना गरेको छ । ‘रक्तदान नै जीवन दान’ हो भन्ने मुल नाराका साथ सोमबार बैंकको कान्तिपथ शाखामा आयोजित रक्तदान तथा निःशुल्क मधुमेह परीक्षण कार्यक्रममा बैंकका कर्मचारी तथा ग्राहकको उत्साहजनक सहभागिता थियो ।
मुलुकमा देखिएको रगत अभावलाई ध्यानमा राखेर बैंकले रक्तदान कार्यक्रमको आयोजना गरेको हो । स्थापनाको एक दशकमा बैंक अफ दि इएर तथा बेस्ट इन्टरनेट बैंकिङ अवार्डबाटसमेत सम्मानित भइसकेको छ । ९१ शाखा, १०३ एटीएम, ६ वटा एक्टेन्सन काउन्टर, ४४ शाखारहित बैंकिङ सेवा रहेको ग्लोबल आईएमई बैंकले ६ लाखभन्दा बढी ग्राहकलाई सेवा दिँदै आइरहेको छ ।
प्रतिक्रिया दिनुहोस !
