काठमाडौं: चन्द्रागिरि हिल्स लिमिटेडका अध्यक्ष चन्द्रप्रसाद ढकालले काठमाडौंका विभिन्न स्थानबाट थानकोटसम्म पुग्न निःशुल्क बस सेवाको शुभारम्भ गरे । थानकोटस्थित चन्द्रागिरि हिल्स लिमिटेड परिसरमा आयोजित कार्यक्रममा अध्यक्ष ढकालले भालेश्वर महादेवको दर्शन गर्न आउने दर्शानार्थी तथा चन्द्रागिरि घुम्न आउने पर्यटकलाई यो सेवाले थप सहज हुने बताए ।
चन्द्रागिरि हिल्स लिमिटेडले चन्द्रागिरि केबलकार चढेर भालेश्वर महादेवको दर्शन गर्न आउने दर्शनार्थी तथा घुम्न आउने पर्यटकको लागि अशोक लेल्याण्डको ४२ सिट भएको निःशुल्क बससेवाको व्यवस्था गरेको हो । बस प्रत्येक दिन बिहान साढे ७ बजे काठमाडौंको महाराजगञ्ज र कोटेश्वरस्थित भाटभटेनी सुपरमार्केटअगाडि लाग्ने छन् ।
महाराजगञ्ज भाटभटेनीबाट छुट्ने बस नयाँबसपार्क, बालाजु भाटभटेनी, स्वयम्भू, कलंकी हुँदै चन्द्रागिरि केबलकार पुग्ने छ भने कोटेश्वर भाटभटेनीबाट छुट्ने बस बालकुमारी, ग्वार्को, सातदोबाटो, एकान्तकुना, बल्खु, कलंकी हुँदै चन्द्रागिरि केबलकार पुग्ने छ ।
प्रतिक्रिया दिनुहोस !
