काठमाडौं: भारतीय बस निर्माता कम्पनी टाटा मोटर्सले लक्जरी बसको च्यासिस नेपाली बजारमा भित्र्याएको छ । टाटा मोटर्सको नेपालका लागि अधिकृत बिक्रेता सिप्रदी ट्रेडिङले एयर सस्पेन्सनयुक्त एलपीओ १५१२/५५ च्यासिस ल्याएको हो ।
बसको च्यासिस १०.७ मिटर लामो छ । यो लामो दूरीको यातायात र पर्यटकीय बसका रूपमा प्रयोग गर्न सकिन्छ । बसको च्यासिस टाटा कमिन्स कमिन्स टर्वोचार्ज इन्टरकुल्ड डिजेल इञ्जिनको शक्तिले सम्पन्न छ । यसमा १३३ हर्ष पावरको इन्जिन, वाइडबडी च्यासिस, एयर सस्पेन्सन र ४० रिक्लाइनिङ सिटहरू जडित छ ।
बसको कार्यक्षमता उच्च रहेको छ । यसले आरामदायी यात्राको सुनिश्चितता गर्ने कम्पनीको दाबी छ । सुरक्षाका दृष्टिकोणले पनि उत्कृष्ट छ । त्यसैले शहरभित्र र शहर बाहिरको यात्राका लागि बस अति उपयोगी हुनेछ ।
यसमा १३३ हर्ष पावरको इञ्जिन जडान गरिएको छ । चार सय ९० न्युटल मिटरको टर्क, दुई सय ५३ मिलिमिटरको क्लचप्लेट र जी–६०० गियर बक्सजस्ता विशेषताले सुसज्जित रहेको छ । सोही विशेषताका कारण पहाडको अप्ठ्यारो सडकमा पनि बसले सहज रूपमा भार बहन गर्ने क्षमता राख्छ । जी–६०० गियर बक्समा पनि ओभर ड्राइभ विशेषता र ४१/७ अनुपातको क्राउन भएका कारण च्यासिसले कम इन्धनमा नै उच्च गति प्रदान गर्ने बताइएको छ ।
सिप्रदीले नेपालमा टाटा गाडीहरु बिक्री वितरण गर्दै आएको छ । यसका नेपालभरि २४ वटाभन्दा बढी सेवा केन्द्रहरू रहेका छन् । सिप्रदीको बिक्रीपछिको सेवा पनि उत्कृष्ट रहेको छ ।
सवारीधनीका लागि बिक्रीपछिको सेवा पनि महत्वपूर्ण हुन आउँछ । यही कारण पनि टाटा गाडी नेपालमा सर्वाधिक लोकप्रिय बनेका छन् । बस तथा ट्रकको बिक्रीपछिको सेवामा नेपालकै सबैभन्दा बढी सञ्जाल भएको कम्पनी हो– सिप्रदी ट्रेडिङ ।
नयाँ बस पनि नेपालमा लोकप्रिय हुने कम्पनीको विश्वास छ । उत्कृष्ट सेवा र सर्वसुलभ मर्मतसम्भारका दृष्टिकोणले एलपिओ १५१२/५५ एयर सस्पेन्सन बसले ग्राहकलाई विश्वस्त पार्ने क्षमता राख्छ । यो गाडीमा तीन वर्ष अथवा तीन लाख किलोमिटरसम्मको वारेन्टी उपलब्ध गराइएको छ ।
प्रतिक्रिया दिनुहोस !
