काठमाडौंः दसैं तिहार र छठको अवसरमा सिटी एक्सप्रेसले नेपाली उपभोक्ताहरुलाई लक्षित गर्दै सञ्चालनमा ल्याएको ‘सिटी बजाउनुहोस् काठमाडौंमा घडेरी पाउनुहोस्’ उपहार योजनाको भाग्यशाली बम्पर उपहार विजेता घोषणा गरेको छ ।
योजना अन्तर्गत १२ जना साप्ताहिक विजेताले १२ थान ३२ इन्च एलइडी टेलिभिजन प्राप्त गरिसकेका छन् । कम्पनीले एक कार्यक्रमको आयोजना गर्दै बम्पर उपहार योजनाको विजेता विद्युतीय गोला प्रथा मार्फत् छनोट गरेको हो ।
बम्पर उपहारको विजेताका रुपमा महोत्तरी स्थित लक्ष्मीनिया–७ निवासीे सन्दीपकुमार महतो छनोट भएका हुन् । उनले कम्पनीको तर्फबाट काठमाडौं उपत्यकामा ४ आना घडेरी जित्न सफल भएका छन् । यो योजनासँग सम्बनिधत आफ्ना समस्त गा्रहकलाई सिटी एक्सप्रेस मनी ट्रान्सफर परिवारले बधाइ दिएको छ ।
कम्पनीद्वारा सञ्चालित उपहार योजनाको विजेताको घोषणा संग–सँगै कम्पनीले नयाँ लोगो पनि प्रयोजनमा ल्याएको जानकारी दिइएको छ । कम्पनीले समयसँगै उपलब्ध गराउन थालेका विविध सेवा तथा सुविधामा ल्याएको परिस्कृतिकरण र बृहत सुविधा लगायत कारणलाई दृष्टिगत गर्दै नयाँ लोगो सञ्चालनमा ल्याएको हो ।
प्रतिक्रिया दिनुहोस !
