काठमाडौः जगदम्बा सिमेन्ट उद्योग ‘उत्कृष्ट उद्योग २०७३’ बाट सम्मानित भएको छ । रूपन्देही उद्योग संघले जगदम्बा सिमेन्टलाई ‘उत्कृष्ट उद्योग- २०७३’ ले सम्मान गरेको हो ।
कम्पनीले जगदम्बा सिमेन्ट इन्डष्ट्रिज प्रालि र शुभ श्री जगदम्बा सिमेन्ट मिल्स प्रालिमार्फत ओपीसी, पीपीसी र पीएसी सिमेन्टको उत्पादन तथा बिक्रीवितरण गर्दै आएको छ । कम्पनीले उत्पादनदेखि उपभोगसम्मका हरेक चरणमा गुणस्तरलाई प्राथमिकतामा राखेर सिमेन्ट उत्पादन गर्दै आएको छ ।
जगदम्बा सिमेन्टअन्तर्गतको शुभ श्री जगदम्बा सिमेन्ट मिल्स प्रालिले नेपाल गुणस्तर तथा नापतौल विभागबाट एनएस क्वालिटीमा लगातार दुई पटकसम्म लेटर अफ एप्रिसिएसन अवार्ड प्रात्त गरिसेकेको छ ।
यस अवसरमा कम्पनीले सम्पूर्ण उपभोक्ता, ग्राहक, डिलर तथा सबै कर्मचारीप्रति कृतज्ञता व्यक्त गरेको छ । साथै, कम्पनीले आगामी दिनमा पनि उपभोक्ताको सेवामा समर्पित रही गुणस्तरप्रति सदैव कटीबद्ध रहने प्रतिबद्धता व्यक्त गरेको छ ।
प्रतिक्रिया दिनुहोस !
