काठमाडौंः संविधान संशोधन विरुद्ध नेकपा(एमाले) नेतृत्वमा नौ दलीय गठबन्धनले आयोजना गरेको विशाल ‘विरोध प्रदर्शन तथा सभा’मा सहभागि हुन राजधानी आईपुगे पनि उनीहरु राजनीतिक दलले मुलुकमा सुव्यवस्था ल्याउछन् भन्नेमा ढुक्क छैनन् ।
हामीले त्रिभुवनदेखि चार राजा, बीपी कोइराला, मनमोहन अधिकारी देखि प्रचण्डसम्म हेर्यौ तर मुलुकको स्थिति झनै बिग्रदो अवस्थातर्फ उन्मुख भइरहेको छ । अब सैनिक शासन मात्र हेर्न बांकी छ । यो अन्नपूर्णले बिद्यमान परिस्थितिका सन्दर्भमा सहभागिहरुसंग गरिएको कुराकानी थियो ।
राजाको अन्त्यका नाममा आएको धर्मनिरपेक्षता र संघीयताले मुलुक खोक्रो बनाउदै जाने क्रममा आज सुव्यवस्था आम जनताका लागि सून्य भइसकेको छ । सुव्यवस्थाको पुर्नवहाली आम जनताको पहिलो आवश्यक्ता भएकोले त्यसका लागि अस्ताउन लागेको हाम्रो उमेरले सेना हेर्न बांकी रहेको उनीहरु बताउछन् ।
दोलखा भिमेश्वर नगरपालिका वडा नं. ७ बस्ने बर्ष ८४ का कृष्णप्रसाद घिमिरेले भने,‘मुलुकमा सुव्यवस्थाका लागि पनि अब सेनाले शासन गर्नु पर्छ । हामीले हेर्न बांकी पनि सेनाकै सत्ता हो ।’ दलहरुको सबैभन्दा ठूलो गल्ति मुलुकमा गणतन्त्र आएपछि त्यसलार्य संस्थागत गराउन पनि संसदीय दलहरु, जंगलबाट आएको माओवादी र राजाबीचको संझौताको दस्तावेजका रुपमा संविधान आउनु पथ्र्यो, त्यो नुहुनु आजको दुर्भाग्य रहेको उनले बताए ।
पंचायतकालमा वडाध्यक्ष र प्रजातन्त्र वहालीपछि एमाले चरकिकोट गाविस निर्वाचन २०४९ मा उपाध्यक्षमा पराजीत उम्मेदवार हुँदै आलिहेसम्म एमालेमै आवद्ध रहेको एक कार्यकर्ता रहेको दाबी गर्दै उनले भने,‘हाम्रा राजनीतिक दल र नेतृत्व परिपक्व नभएकोले दिल्लिको हितमा १२ वुँदे संझौता र त्यसको परिणाम राजाको साथ हिन्दु खतम गरियो, संघीयता लादियो, सेनालाई कम्जोर गर्ने अनेक उपाय रचीयो र रचिदैछ । यो नै आजको सकटको जड हो ।’
‘गांउमा दाजु—भाई एक पटक अंशवण्डा गर्छन्, हाम्रा तीन दल नौ नौ महिनामा नाटकीय अंश बण्डा गर्छन् । त्यसबाट मुलुकमा परेको मार उनीहरुकै शब्दमा ‘राष्ट्र र जनता’ले भोग्नु परेको हुँदा हेर्न बांकी सेना नै हो ।
मैले सेनाप्रति आशा गर्नु वैशाख १२ र २९ गते गएको महाभूकम्प र खण्डहरमा परिणत भएको भर्नावशेषमा उसले गरेको सफल उद्धार एवं राहात नै रहेको उनले बताए । पूर्वजन्मको तपस्याको कारण मेरो बाहेक गांउका सबै घर हेर्दा हेर्दै सदाका लागि ढलेकोभन्दै भकानिए ।
भूकम्पमा सरकार र नेतृत्वको सून्य उपस्थितिमा सेनाको सकृय र सशक्त सहभागिताले तत्कालका लागि केही राहता भयो । अहिले सत्ता बण्डाका कारण भूकम्प पीडितलाई राहतमाभन्दा प्रािधकारको कार्यकारी प्रमुख कसलाई बनाउनेमा बिवाद राख्दै राजनीति गर्नेबाट अब आशा नभएको घिमिरेले बताए ।
झापा तोपगाछि वडा नं. १ निवासी ७६ बर्षिय परशुराम वास्तोला केन्द्रीय कोअर्डिनेशन कमिटिदेखि अहिलेसम्म साधारण सदस्यमात्र रहेको बताए । आफु एमाले अध्यक्ष केपी शर्मा ओलीको निर्वाचन क्षेत्र नं. ७ को बासिन्दा समेत रहेकोभन्दै उनलेभने,‘यो मुलुकको लागि राजा महेन्द्र र बीरेन्द्रले धेरै राम्रा काम गरे तर नेताहरुमा कमैले राम्रा काम गरे ।
भिडियाे हेर्नुहाेस्
कम्युनिस्टहरु बिरुद्धको कु प्रचारको अन्त्य मनमोहन अधिकारी प्रधानमन्त्री भएर घोषणा गरको ‘नौ स’ले गर्यो भने यो मुलुको राष्ट्रियताको अडान ओलीले नै लिए । त्यसैले आजको बिरोधसभामा सहभागि भए ।’
राजा बीरेन्द्रमा रहेको ‘शान्तिको संदेस’ले नै उनको वंश नाश हुन पुगेकोभन्दै ती वृद्ध भकानिए । उनले भने,‘ विदेशीको डिजाईनमा प्मुख दलका मुठ्भिरका नेताहरुको स्वार्थमा लादिएको संघीयता, धर्मनिरपेक्षताका खेलाडिहरु जनताबीच चिनाईदिने कार्य नगरेसम्म यो देसमा शान्ति र सुव्यवस्थाको आशा गर्न सकिदैन ।’ यो वृद्धा अवस्थामा आइपुग्दा अपरिकल्पनिय सत्ता द्वन्द देखेको बताउदै उनले भने,‘ हाम्रा चौथो पुस्ता नाति÷नातिनीको उज्वल भबिश्यको लागि भए पनि एक पटक सेना हेर्ने यच्छा छ ।’
ओलीले राष्ट्रवादी धार सफल गराउन पनि नेपालको हितका लागि समर्पित सेनालाई अझै सशक्त, प्रभावकारी र संगठित बनाउने बिश्वास मैले लिएको छु ।’ ओलीको सफल नेतृत्वले गर्दा आगमी दिन एमाले पहिलो पार्टी हुने दाबी उनले गरे । एमाले मोहत्तारी सचिवालय सदस्य ३० बर्षिय कमला वाईवाले आफु चौथो महाधिवशेनको जनमोर्चा नेपाल हुँंदै एमालेमा आएको बताईन् ।
राजाको अन्त्यका नाममा आएको धर्मनिरपेक्षता र संघीयताले मुलुक खोक्रो बनाउँदै लगेको बुझाई ।
‘म परिवर्तनकारी हुँ, परिर्वतनलाई उल्ट्याउने कार्यमा सहमत हुन सक्दिन । अहिलेको अराजकता र अस्थिरताको जड गणतन्त्र, धर्मरिनपैक्षता र संघीयता होइन सत्ताका लागि प्रमुख दलहरुबीच चलेको नौ नौ महिने अंश वण्डा र मुलुक बनाउने सोच, साधन र स्रोतको कमिनै हो ।’ हाम्रा नेताहरु बेइमान भएको कारण मुलुकको राज्य व्यवस्था धारासायी हुँदै गएकोले यीनीहरुलाई जनताबीच दण्डित गर्न सक्नु पर्ने आक्रोस वाइवाले व्यक्त गरिन् ।
संघीयताको नाममा गांएमा प्रसस्त बजेट जाँदा महिला, मस्लिम, थारु, मधेसी, जाजाति, आदिवासी, अल्पसंख्यक लगायतको विकास भएको उनले बताईन् । विदेशी हस्तक्षेपभन्दा पनि हस्तक्षेपलाई सममान गर्नै कार्यको जड नै १२ वुँदे भएकोले त्यस्ता संझौता खोरेज गर्नु पर्नेमा वाइबाले जोड दिईन् ।
प्रतिक्रिया दिनुहोस !
