६ केजी चाँदीसहित एक युवक पक्राउ
वीरगञ्ज : वीरगञ्जबाट प्रहरीले तस्करीको चाँदीसहित एक युवकलाई पक्राउ गरेको छ ।
भारतबाट तस्करी गरेर ल्याइएको पाच किलो ६ सय १५ ग्राम चाँदीसहित वीरगञ्ज उपमहानगरपालिका ३ छपकैयाका २७ बर्षीय प्रदीप साह सोनारलाई प्रहरीले पक्राउ गरेको हो ।
रक्सौलबाट चाँदी लिएर आउदै गरेका सोनार सवार ना ३३ प ३३६२ नम्बरको मोटरसाइकल प्रहरीले शुक्रबार साँझ वीरगञ्जको रजतयजन्ती चोकमा रोकेर चेकजाच गर्दा मोटरसाइकलको सिटमुनि लुकाएर राखिएको अवस्थामा चाँदीको एक सय ५३ वटा सिन्दुर राख्ने बट्टा बरामद भएको प्रहरी नायब उपरीक्षक चक्रराज जोशीले जानकारी दिए ।
प्रहरीले शुक्रबार साँझ चाँदीसहित पक्राउ परेका सोनारलाई जिल्ला प्रहरी कार्यालयमा शनिबार बिहान पत्रकार सम्म्मेलन गरेर सार्वजनिक गरेको हो । पत्रकार सम्मेलनमा प्रहरीले चाँदीसहित पक्राउ परेका सोनारलाइ भने सार्वजनिक गरेन ।
चँदीसहित पक्राउ परेका सोनारलाई आवश्यक कारबाहीका लागि राजश्व अनुसन्धान मध्य क्षेत्रीय कार्यालय पथलैया पठाइएको प्रहरी नायब उपरीक्षक जोशीले जानकारी दिए ।
प्रतिक्रिया दिनुहोस !
