काठमाडौं: हिमालयन बैंक लिमिटेडको २४ औं साधारणसभा सम्पन्न भएको छ । बैंक सञ्चालक समितिका अध्यक्ष मनोजबहादुर श्रेष्ठको सभापतित्वमा सम्पन्न साधारणसभाले सेयरधनीलाई ३० प्रतिशत बोनस सेयर वितरण गर्ने प्रस्ताव पारित गरेको छ । बैंकले १.५७ प्रतिशत नगद लाभांशसहित ३१.५७ प्रतिशत लाभांश वितरण गर्ने प्रस्ताव पारित गरेको हो ।
बोनस सेयर वितरणपश्चात बैंकको चुक्ता पुँजी पाँच अर्ब ८४ करोड ८८ लाख ८८ हजार पाँच सय रुपैयाँ पुग्नेछ । साथै २३ औं वार्षिक साधारणसभाबाट पारित भई हाल प्रकृयामा रहेको हकप्रद सेयरपछि बैंकको चुक्ता पुँजी ६ अर्ब ४९ करोड १६ लाख २३ हजार पाँच सय रुपैयाँ हुने श्रेष्ठले बताए ।
आर्थिक वर्ष २०७२÷७३ अन्त्यसम्म बैंकले ८७ अर्ब ३३ करोड निक्षेप संकलन गरी ६९ अर्ब १० करोड कर्जा प्रवाह गरेको छ । बैंकले यस वर्ष विभिन्न पाँच स्थानमा नयाँ शाखा, थप एटीएम सेवा तथा टर्मिनल सेवा विस्तार गर्ने योजना बनाएको छ ।
प्रतिक्रिया दिनुहोस !
