दमौलीः नेपालका लागि यामाहा मोटरसाइकलको आधिकारिक बिक्रेता एमएडब्लू इन्टरप्राइजेजले तनहुँको दमौलीमा नयाँ डिलर सञ्चालनमा ल्याएको छ ।
एमएडब्लूले आफ्नो नयाँ डिलर मोडर्न अटो वक्र्समार्फत ग्राहकलाई ‘थ्री एस’ (सेल्स, सर्भिस र स्पेयर पार्टस) को सुविधा दिनेछ । त्यस क्षेत्रमा यामाहा मोटरसाइकल तथा स्कुटरको बढ्दो माग पूरा गर्न दमौलीमा यामाहा मोटरसाइकलको डिलरसिप स्थापना गरिएको कम्पनीले जनाएको छ ।
नयाँ सोरुमको उद्घाटन उद्योग वाणिज्य संघ तनहुँका कृष्णराज पण्डित र हाँस्य कलाकार सन्दिप क्षेत्रीले गरेका थिए । उद्घाटनका अवसरमा मोटरसाइकल स्टन्ट पनि देखाइएको थियो ।
‘विश्वमै परिचित ब्रान्डको सोरुम स्थापना गर्न पाउँदा गौरव महशुस गरेका छौं,’ मोडर्न अटो वक्र्सका प्रबन्ध निर्देशक बसन्त गिरीले भने, ‘यामाहाका मोटरसाइकलको लोकप्रियता धेरै छ । अब यामाहाका मोटरसाइकल किन्न अन्त धाइरहनु पर्दैन ।
सोरुममा हाइ-टेक वर्कसप, तालिमप्राप्त र दक्ष टेक्निसियन छन् जसले मोटरसाइकलको गुणस्तरीय सेवा दिनेछन् ।’ नयाँ सोरुममा यामाहाका सबै मोडेलका मोटरसाइकल र स्कुटर उपलब्ध हुनेछन् ।
एमएडब्लूले यसै वर्ष स्पोर्टी स्कुटर रे जेडआरलाई नेपालमा ल्याएको थियो । यसबाहेक बजारमा यामाहा एफजेड-एस एफआई, एफजेड एफआई, आर १५, स्यालुटो, एसजीआरआर, फेसिनो, रेजी र आर थ्री उपलब्ध छन् । यामाहाका मोटरसाइकल तथा स्कुटरहरूमा प्याटेन्टेड ‘ब्लु कोर’ इन्जिन छ ।
प्रतिक्रिया दिनुहोस !
