काठमाडौंः छिमेक लघुवित्त विकास बैंकका प्रमुख कार्यकारी अधिकृत रामचन्द्र जोशी सम्मानित भएका छन् ।
फोकस नेपाल संस्थाले जोशीलाई ‘विशेष सेवा सम्मान २०७३’ द्वारा सम्मान गरेको हो । जोशीसँगै संस्थाद्वारा विभिन्न विधामा सम्मानित हुनेलाई सहरी विकासमन्त्री अर्जुननरसिंह केसीले सम्मानपत्र प्रदान गरेका थिए ।
जोशीले लामो समयदेखि अत्यन्त निष्ठा र समर्पणका साथ बरिष्ठ आर्थिक व्यवस्थापकका रूपमा सेवामा सक्रिय रहँदै आएको सम्मानपत्रमा उल्लेख छ । विभिन्न संघसंस्थामार्पmत उनले आर्थिक, सामाजिक र सेवामुलक क्षेत्रमा पुर्याएको योगदान चीर कालसम्म प्रशंसनीय र अतुलनीय रहने सम्मानपत्रमा व्यक्त गरिएको छ ।
जोशी २०५१ सालदेखि नेपालको लघुवित्त क्षेत्रमा क्रियाशील छन् । उनी छिमेक लघुवित्त विकास बैंकमा स्थापनाकालदेखि नै कार्यकारी प्रमुखको रूपमा कार्यरत छन् । छिमेक लघुवित्त विकास बैंकले हाल ६१ वटा जिल्लामा १२२ वटा शाखा कार्यालयबाट करिब तीन लाख गरिब तथा पिछडिएका परिवारलाई लघुवित्तका माध्यमबाट सेवा पुर्याइरहेको छ ।
प्रतिक्रिया दिनुहोस !
