काठमाडौः एनआईसी एसिया बैंकले बीपी कोइराला स्वास्थ विज्ञान प्रतिष्ठान, धरानको परिसरमा वृक्षरोपण कार्यक्रमको गरेको छ ।
कार्यक्रमको उद्घाटन बीपी कोइराला स्वास्थ विज्ञान प्रतिष्ठान, धरानका रजिस्टार डाक्टर तुलबहादुर श्रेष्ठले गरेका थिए । बैंकले १९ औं साधारणसभामा तय गरेको कार्यक्रमअनुसार आइतबारबाट वृक्षरोपण कार्यक्रम शुभारम्भ गरेको हो ।
बैंकले संस्थागत सामाजिक उत्तरदायित्वअन्तर्गत उक्त अभियानलाई देशव्यापी बनाउने भएको छ । यसै आर्थिक वर्षभित्र सात हजारभन्दा बढी बिरुवा रोपेर वातावरणीय सन्तुलन ल्याउन योगदान पुर्याउने बैंकको अठोट छ ।
बीपी कोइराला स्वास्थ विज्ञान प्रतिष्ठान, धरान र एनआईसी एसिया बैंकबीच भएको आन्तरिक सम्झदारीअनुसार प्रतिष्ठानले बैंकलाई एक हजार बिरुवा रोप्न आवश्यक जग्गा उपलब्ध गराउनेछ ।
प्रतिक्रिया दिनुहोस !
