'राजनीतिको प्रभाव दुध उत्पादन क्षेत्रमा पनि'
दमकः राष्ट्रिय दुग्ध विकास वोर्डका कार्यकारी निर्देशक कैलाश ढुंगानाले राजनीतिक अस्थिरताको प्रभाव दुध उत्पादन क्षेत्रमा पनि देखिएको बताएका छन् ।
नेपाल डेरी एसोसिएसनले सोमबार झापाको दमकमा गरेको पत्रकार सम्मेलनमा बोल्दै उनले राजनीतिक अस्थिरताले दुधको प्रशोदन गर्ने उद्योगहरु स्थापना हुन नसकेको बताएका हुन् ।
वर्षको कुनै एक समयमा दुधको उत्पादमा बृद्धि हुने र एक समयमा दुध उत्पादन घट्ने भएकाले यसलाई पाउडर बनाएर राख्ने उद्योगहरु पर्याप्त नहुँदा समस्या भएको उनकले बताए । पाउडर बनाउँदा उपभोक्ताले नकिन्ने समस्या रहेको बन्दै उनले भने-‘उपभोक्तामा चेतना नहुँदा शुद्ध दुधको पउडरबनाएर राख्दा समेत नकिन्ने समस्याले नेपाललाई दुधमा आत्मनिरभर बनाउन सकिएको छैन’ ।
नेपालमा अहिले ४८ हजार लिटर दैनिक दुध उत्पादन हुने भए पनि उद्योग तथा डेरीमा यसको १५ प्रतिशतमात्र दुध आईपुग्ने उनको भनाई छ । पत्रकार सम्मेलनमा बोल्दै उनले ग्रामिण भेगमा उत्पादन भएका दुध यातायात र पूर्वाधारको अभावमा डेरी सम्म पनि ल्याउन सक्ने अवस्था नरहेको जानकारी दिए ।
उनले आगामी तीन वर्ष भित्र देशलाई दुधमा आत्मनिरभर बनाउने सरकारको लक्ष रहेको समेत बताए । पत्रकार सम्मेलनमा बोल्दै नेपाल डेरी एसोसिएसनका अध्यक्ष सुमित केडियाले दुध उत्पादनको क्षेत्रमा सरकार उदासीन रहेको आरोप लगाए ।
यसैबीच एसोसिएसनको १८ औँ वार्षिक साधरणसभा मंगलबार झापाको विर्तामोडमा हुने भएको छ । साधरणसभाले झापा घोषणापत्र जारी गर्ने एसोसिएसनले जनाएको छ ।
प्रतिक्रिया दिनुहोस !
