काठमडौः एलजीको स्टाइलर गार्मेन्ट/कारखानामा कपडालाई तुरुन्तै तातो वा सुख्खा बनाउन प्रयोग गरिँदै आएको छ ।
स्टाइलरमार्फत उत्सर्जित/प्राप्त हल्का बाफले गार्मेन्टको स्वरुप तथा सौन्दर्यतामा परिवर्तन ल्याई फोहोरजन्य पदार्थ निष्कासन गर्न सहयोग गर्छ । यसले झुन्डयाएर राखिएका सर्ट, पाइन्ट, झोला, गार्मेन्टका सामानमा भएका धुलोलाई निकाल्न मद्दत गर्छ ।
यसको मद्दतले करिब २० देखि ४० मिनेटमा नै कपडामा भएका फोहोर निकाल्न सकिने भएको छ जुन लुगा धुन तथा कपडा सुक्न लाग्ने समयको तुलनामा निकै छोटो हो । यसले कपडामा टाँसिएर रहेका ब्याक्टेरिया र ढुसीलाई निकाल्नेछ ।
यसले रासायनिक तत्व वा पदार्थबिना कपडाको चमक बढाउँछ । यसबाट लुगा बिग्रिने, च्यातिने वा खुम्चिने जस्ता कुनै समस्या नआउने कम्पनीको दाबी छ । यसको प्रयोगले ३४ मीनेटभित्र कपडालाई सुख्खा बनाउँछ ।
यसले पाइन्टलाई आवश्यकता अनुसार चाउरी तथा मुजा पनि पार्छ । यो पातलो र दर्बिलो भएकाले जुनसुकै ठाउँमा राख्न सकिन्छ । यो भर्सटाइल र्याग, वाटर कन्टेनर, एरोमा किट, इन्टेरियर लाइट जस्ता विभिन्न स्वरूप बजारमा उपलब्ध भएको कम्पनीले जनाएको छ ।
प्रतिक्रिया दिनुहोस !
