काठमाडौः बजाज मोटरसाइकलको आधिकारिक वितरक, एचएच बजाजले बजाज पल्सर डेयर भेन्चर बाइकको रियालिटी सो सम्पन्न गरेको छ । एचएच बजाजले बजाज पल्सर डेयर भेन्चरको सफलतालाई उत्सवका रूपमा मनाउन शनिबार नेपथ्यको कन्सर्ट आयोजना गरेको थियो ।
समापन समारोहको अवसरमा नेपाल बेस्ट राइडर, नेपाल बेस्ट राइडर रनर अप, तथा मोस्ट पपुलर राइडर अवार्ड बिजेता क्रमशः रामबिक्रम थापा, बिक्रम केसी र सुदिप श्रेष्ठलाई नगद पुरस्कारसहित पल्सर एनएस हस्तान्तरण गरिएको कम्पनीले जनाएको छ ।
सहभागीमध्ये बिजेता राम बिक्रम थापाले नगद १० लाख र पल्सर एनएस, उपविजेता बिक्रम केसीले पाँच लाख रुपैयाँसहित पल्सर एनएस प्राप्त गरेका थिए भने तेस्रो विजेता सुदिप श्रेष्ठले पल्सर एनएस पाएको कम्पनीले जनाएको छ ।
प्रतिक्रिया दिनुहोस !
