महेन्द्रनगरः अन्नपूर्ण पोस्ट् राष्ट्रिय दैनिकले महेन्द्रनगरमा सोमबार रोड सोको आयोजना गरेको छ ।
सर्वसाधारणलाई अन्नपूर्ण वार्षिक ग्राहक अभियान तथा उपहार योजनाबारे जानकारी दिने उद्देश्यले रोड सोको आयोजना गरिएको अन्नपूर्ण पोस्ट्का मध्य तथा सुदूरपश्चिम ब्युरो प्रमुख प्रेम केसीले बताए । मदन चोकबाट सुरु भएको रोड सोले महेन्द्रनगर बजार परिक्रमा गरेको थियो ।
रोड सोमा अन्नपूर्ण पोस्ट्का बजार प्रतिनिधिले ग्राहक योजनाका बारेमा स्थानीयलाई जानकारी गराएका थिए । अन्नपूर्ण ग्राहक योजना उत्कृष्ट रहेको महेन्द्रनगरवासीको भनाइ छ ।
रोड सोका क्रममा अन्नपूर्ण पोस्ट्को वार्षिक ग्राहक बन्दै महेन्द्रनगरका युवा व्यवसायी दिनेश मल्लले पत्रिकाले सामाजिक, आर्थिक तथा साँस्कृतिक विषयवस्तुलाई प्राथमिकतामा राखेर समाचार दिनुपर्ने बताए ।
अन्नपूर्ण पोस्ट्का मध्य तथा सुदूरपश्चिम प्रमुख केसीले पृथक सामग्री पस्किएर समयमै सबैको घरदैलोमा पत्रिका पुर्याउने प्रतिवद्धता जनाए । रोड सोमा कार्यालयका अन्य कर्मचारी, स्थानीय प्रतिनिधि तथा अन्नपूर्णकर्मीको सहभागिता थियो ।
अन्नपूर्ण मिडिया गुप्रअन्तर्गत अन्नपूर्ण पोस्ट्, अन्नपूर्ण अनलाइन, एपीवान टीभी, रेडियो अन्नपूर्ण र अन्नपूर्ण टुडे म्यागजिन रहेका छन् ।
प्रतिक्रिया दिनुहोस !
