काठमाडौः पञ्चकन्या ग्रुपले कर्पोरेट सामाजिक उत्तरदायित्वअन्तर्गत सडकपेटीमा वृक्षरोपण गर्दै आएको छ । ग्रुपले ललितपुर उपमहानगरपालिका र काठमाडौं महानगरपालिकाको सहकार्यमा वातावरणीय प्रदुर्षण कम गर्नेअपेक्षासहित वृक्षरोपण गर्दै आएको हो ।
ग्रुपले काठमाडौं महानगरपालिका क्षेत्रअन्तर्गत माइतिघरदेखि सिंहदरबार हुँदै पद्मोदय स्कुलसम्मको सडकपेटीमा एकतर्फी र भृकुटीमण्डप क्षेत्रको दुवै सडकपेटीमा वृक्षरोपण गरेको छ भने त्रिपुरेश्वर, रंगशालादेखि सिभिल मल सुन्धारासम्मको सडकपेटीमा एकतर्फी वृक्षरोपण गरेको जनाएको छ ।
त्यसैगरि ललितपुर उपमहानगरपालिका क्षेत्रमा बागमती पुलदेखि कुपण्डोल उकालोसम्म र पुल्चोकदेखि भनिमण्डलसम्म सडकका दुवै किनारामा वृक्षरोपण गरेको कम्पनीले जनाएको छ । वृक्षरोपणपश्चात आवश्यक गोडमेल, सरसफाई गर्दै आएको कम्पनीले भविष्यमा उक्त कार्यलाई निरन्तरता दिने बताएको छ ।
प्रतिक्रिया दिनुहोस !
