काठमाडौः सनराइज बैंक लिमिटेडले हकप्रद सेयरको सार्वजनिक निष्कासन गर्न प्रभु क्यापिटल लिमिटेडलाई सेयर निष्कासन तथा बिक्री प्रबन्धकमा नियुक्त गरेको छ । बैंकले आर्थिक वर्ष २०७२/०७३ मा कायम चुक्ता पुँजीका आधारमा एक बराबर ०.३० को अनुपातमा जारी गर्न लागेको एक करोड ६३ लाख ५९ हजार ६ सय ३६ कित्ता हकप्रद सेयर निष्कासनका लागि प्रभु क्यापिटललाई नियुक्त गरेको हो ।
प्रतिसेयर सयका दरले सेयर निस्कासन हुनेछ । नियुक्तिसम्बन्धी सम्झौतापत्रमा बैंकका तर्फबाट प्रमुख कार्यकारी अधिकृत रत्नराज बज्राचार्य तथा प्रभु क्यापिटलका तर्फबाट महा–प्रबन्धक शंकरप्रसाद कालीकोटाले हस्ताक्षर गरेका छन् । बैंकको नवौं वार्षिक साधारणसभाले कम्पनीको अधिकृत पुँजी दस अर्ब पुर्याउन निर्णय गरेको छ ।
प्रतिक्रिया दिनुहोस !
