काठमाडौं: अल्पाइन डेभलपमेन्ट बैंकले आफ्ना सेयरधनीलाई १४.५० प्रतिशत बोनस सेयर दिने निर्णय गरेको छ । बैंकको शुक्रबार बसेको नवौं वार्षिक साधारणसभाले आर्थिक वर्ष २०७२÷०७३ को मुनाफाबाट चुक्ता पुँजी २२ करोड ७१ लाख ४० हजारको १४.५० प्रतिशत बोनस सेयर र कर प्रयोजनका लागि प्रस्ताव पारित गरेको हो ।
सभाले संस्थापक समूहबाट प्रतिनिधित्व गर्ने तीन जना सञ्चालकमा क्रमशः मोहना लोहनी, नवराज राउत र सुदर्शनप्रसाद अधिकारीलाई चयन गरेको छ । साथै सोही दिन बसेको सञ्चालक समितिको बैंठकले बैंकको अध्यक्षमा सुदर्शनप्रसाद अधिकारीलाई चयन गरेको छ ।
साधारणसभाले सञ्चालक समितिबाट प्रस्ताव गरेको ३ बराबर २.०८ को अनुपातमा हकप्रद सेयर जारी गर्ने निर्णय गरेको छ । चालू आव २०७३÷७४ को मंसिर मसान्तसम्म एक अर्ब ८७ करोड ७४ लाख निक्षेप संकलन गरेको बैंकले एक अर्ब ६७ करोड ७७ लाख कर्जा प्रदान गरी तीन करोड नौ लाख सञ्चालन मुनाफा कमाउन सफल भएको छ ।
प्रतिक्रिया दिनुहोस !
