काठमाडौः अर्घाखाँची सिमेन्ट प्रालिले चितवनमा भेटघाट कार्यक्रम आयोजना गरेको छ । कार्यक्रमका सहभागीले ओपीसी सिमेन्टको गुणस्तरलाई सधै एकनास राख्न माग गरेका छन् ।
कार्यक्रममा बोल्दै इन्जिनियर एसोसियसन चितवनका अध्यक्ष हरि भण्डारीले हरेक सिमेन्ट कम्पनीले आफ्नो गुणस्तरको प्रचार गरिरहेको अवस्थामा अर्घाखाँचीले आफ्नो गुणस्तरलाई कायम राख्नुपर्ने बताए ।
उनले सिमेन्ट उद्योगले सिमेन्टको गुणस्तर आफ्नो ल्याबमा मात्रै परीक्षण नगरी इन्जिनियर एसोसियसनको ल्याबमा परीक्षण गरेर देखाएमा इन्जिनियरलाई पनि प्रचारप्रसारमा सहयोग पुग्ने बताए ।
कार्यक्रममा बोल्दै उद्योग वाणिज्य संघ चितवनका अध्यक्ष राजन गौतमले देशभर अर्घाखाँची सिमेन्टको माग बढिरहेका बेला गुणस्तरलाई ख्याल गर्दै उत्पादनमा वृद्धि गनुपर्ने बताए । उनले विदेशी सिमेन्टलाई प्रतिस्पस्थापन गर्न स्वदेशी सिमेन्टको उत्पादनलाई वृद्धि गर्नु आवश्यक भएको बताए ।
कार्यक्रममा बोल्दै उद्योग वाणिज्य संघ रत्न नगरका अध्यक्ष ज्ञानबहादुर बिसुरालले हरेक क्षेत्रमा अर्घाखाँची सिमेन्टको प्रयोग बढ्दै जानु सुखद भएको भन्दै यसलाई कायम राख्दै अघि बढ्नुपर्ने बताए । रत्ननगरमा भइरहेको सडक विस्तारमा अर्घाखाँची सिमेन्टको प्रयोग भइरहेकोमा यसले सिमेन्टको गुणस्तर राम्रो भएको बताए ।
कार्यक्रममा कम्पनीका बजार प्रमुख रमेश थापाले उत्पादनको छोटो समयमै सिमेन्टले पाएको सफलतामा खुसी व्यक्त गरे । उनले चितवनको नारायणगढ–मुग्लिन सडक खण्ड, विभिन्न हाइड्रोपावरमा पनि अर्घाखाँची सिमेन्टको प्रयोग भइरहेकोमा माग बढ्दै गएको बताए ।
प्रतिक्रिया दिनुहोस !
