काठमाडौः गण्डकी विकास बैंकको विशेष साधारणसभा सम्पन्न भएको छ । सभाले यस बैंक र फेवा विकास बैंकसँग एक आपसमा मर्जर गर्ने प्रस्ताव पारित गरेको छ ।
साथै सोही दिन फेवा विकास बैंकको साधरणसभाले पनि मर्जर प्रस्तावलाई पारित गरेको बैंकले जनाएको छ । फेवा विकास बैंकसँग हुने मर्जरको सेयर स्वाप अनुपात एक बराबर एक हुनेछ । सभाले मर्जरपश्चात गठन हुने सञ्चालक समितिका सदस्य चयन गर्ने अख्तियारी समेत संचालक समितिलाई दिएको छ ।
बैंकले राष्ट्र बैंकको स्वीकृतिपछि संयुक्त कारोबार हुने जनाएको छ । मर्जरपश्चात बैंकको नाम गण्डकी विकास बैंक लिमिटेड राखिनेछ भने बैंकको संचालक समिति अध्यक्षमा जगनबहादुर गुरुङ र प्रमुख कार्यकारी अधिकृत रेशमबहादुर थापा रहनेछन् । मर्जरपश्चात बैंकको कुल चुक्ता पुँजी एक अर्ब ८४ करोड ३९ लाख २६ हजार पुग्नेछ भने कुल शाखा संख्या ५० र एटीएम संख्या २० पुग्नेछ ।
प्रतिक्रिया दिनुहोस !
