काठमाडौंः नेपाल क्रेडिट एण्ड कमर्श (एनसीसी) बैंकले बन्दना पाठकलाई उप प्रमुख कार्यकारी अधिकृत (डेपुटी सीईओ)मा नियुक्त गरेको छ ।
सोही बैंकका उपमहाप्रवन्धकमा कार्यरत पाठकलाई डेपुटी सीईओमा बढुवा गरेको एनसीसी बैंकले जानकारी दिएको छ । त्रिभुवन विश्वविद्यालयबाट अर्थशास्त्रमा एमए गरेकी पाठकसँग २३ वर्षसम्म बैकिङ क्षेत्रमा निरन्तर काम गरेको अनुभव छ ।
पाठकले १३ वर्ष एनसीसी बैंकमा र १० वर्ष नेपाल बंगलादेश बैंकमा काम गरिसकेकी छन् । विभिन्न चार वटा विकास बैंक मर्ज गरेपछि बनेको नयाँ व्यवस्थापनले उनलाई डेपुटी सीईओको जिम्मेवारी दिएको हो ।
बैंकले मर्ज हुनु अगाडिको तीन वटा विकास बैंकका सीईओत्रय राजाराम खड्का, कमल गौतम र रेवन्तकुमार दाहाललाई भने उपमहाप्रवन्धको जिम्मेवारी दिएको छ ।
प्रतिक्रिया दिनुहोस !
