औषधि किन्ने पैसा नहुँदा घरमुलीको मृत्यु, परिवारको विचल्ली
गाईघाटः औषधि किन्ने रकमको अभावमा घरमुलीको मृत्यु भएपछि गर्भवती श्रीमतीसहित ३ बालबालिकाको बिचल्ली भएको छ ।
भारतमा उपचार पछि खोटाङ राजापानी खाम्तेल घरतर्फ फर्किएका ५० वर्षीय कुमार परियारको उदयपुरमा आएपछि मृत्यु हुँदा परिवारको विचल्नि भएको हो ।
कपडा सिलाएर जीविकोपार्जन गर्ने घरमुलीको आर्थिक अभावकै कारण मृत्यु भएपछि गर्भवती श्रीमती उमा र छोराछारीको विचल्ली भएको छ । चिकित्सकको सल्लाहअनुसार औषधि किनेर खान नसकेपछि परियारको मृत्यु भएको जिल्ला प्रहरी कार्यालय उदयपुरले जनाएको छ ।
दमका रोगी उनी भारतमा उपचार गरी घर फर्किनेक्रममा जटिल बिरामी परेका थिए । उमा सुस्त मनस्थितिकी महिला हुन् । महिला तथा बालबालिका सेल प्रमुख उमा गुरुङले बोल्न र सुन्न नसक्ने परियारकी श्रीमती र उनका ३ बालबालिकालाई ‘सेफ हाउस'मा राखिएको जानकारी दिइन् । मृतकका आफन्त आएपछि चारै जनालाई जिम्मा लगाइने गुरुङले जानकारी दिइन् ।
प्रतिक्रिया दिनुहोस !
