काठमाडौः सामसुङको नयाँ स्मार्टफोन सी ९ प्रो बुधबार भारतीय बजारमा सार्वजनिक भएको छ । कम्पनीले आफ्नो नयाँ उत्पादनस्वरूप ग्यालेक्सी सी ९ प्रो भारतीय बजारमा सार्वजनिक गरेको हो । यो समार्टफोन गत अक्टोबरमा चीनमा सार्वजनिक भइसकेको थियो ।
कम्पनीकाअनुसार यो स्मार्टफोन ग्यालेक्सी ए ९ प्रोभन्दा डिजाइनमा आकर्षक र प्रविधिमा पनि उत्कृष्ट रहेको छ । भारतमा सार्वजनिक भएसँगै कम्पनीले यस फोनलाई चाडै नै नेपालमा पनि सार्वजनिक गर्ने बताएको छ । कम्पनीकाअनुसार यो स्मार्टफोन नेपालमा यही फेबु्रअरीको अन्त्यसम्ममा सार्वजनिक हुन सक्नेछ । तर यो स्मार्टफोनको अग्रिम बुकिङ भने फेबु्रअरीको मध्यतिरबाटै सुरुहुने कम्पनीले जनाएको छ ।
प्रविधि र बनावट उत्कृष्ट भएको सी ९ प्रो ६ इन्चको सुपर एमलोड डिस्प्लेकासाथ बजारमा अएको छ । क्वालकम स्न्यापड्रयागन ६५३ चिपसेटमा आधारित स्मार्टफोनमा एन्ड्रोएड ६.०.१ मार्समलो अपरेटिङ सिस्टम रहेको छ ।
अक्टाकोर प्रोसेसरका साथै यो स्मार्टफोनमा ६ जीबी र्याम र ६४ जीबी रोम रहेको छ । माइक्रोएसडी कार्ड प्रयोग गरी यसको मेमोरी क्षमता दुई सय ५६ जीबीसम्म बढाउन सकिने कम्पनीले जनाएको छ ।
नेपाली बजार मूल्य ६० हजारको हाराहारीमा रहने अनुमान गरिएको यो स्मार्टफोनमा डुअल एलईडी फ्ल्याससहित १६ मेगापिक्सेलको मुख्य क्यामरा र १६ मेगापिक्सेलकै रिएर क्यामरा राखिएको छ ।
कम्पनीकाअनुसार क्यामरामा सौखिनका लागि यो फोन बढी प्रवाभकारी हुनेछ । चार हजार एमएएच ब्याट्री क्षमता रहेको यो स्मार्टफोन ब्ल्याक, गोल्ड, रोज गोल्डमा उपलब्ध छ ।
प्रतिक्रिया दिनुहोस !
