काठमाडौ : भारतले नेपालसंग सीमा जोडिएका भारतीय राज्यहरु र नेपालबीचको सम्बन्धलाई थप विस्तार गर्ने रणनीतिलाई व्यावहारिक रुपमा अघि बढाएको छ ।
उक्त रणनीति अनुसार नेपालसँग सीमा जोडिएका उत्तर प्रदेश, बिहार, उत्तराखण्ड, पश्चिम बंगाल र सिक्किम राज्यहरु र नेपालबीचको सम्पर्क थप सुदढ गर्ने बनाउने केन्द्रीय नीति रहेको भारतीय दूतावासका उपप्रमुख बिनय कुमारले पत्रकारलाई बताए ।
‘मोदीजी सन् २०१४ मा सत्तामा आएदेखि नेपालसँग सीमा जोडिएका भारतीय राज्यहरु र नेपालबीचको सम्बन्ध थप मजबुत बढाउने नीति अघि बढेको हो । दुई देशका सीमा क्षेत्रका जनताको सम्बन्ध अझै विस्तार गर्ने नीति लिइएको उनले बताए ।
उक्त नीतिको कार्यान्वयनका लागि भारतले नेपालसँग सीमा जोडिएको उत्तर प्रदेश राज्य र नेपालबीच पहिलो चरणमा अन्तरक्रियाा गर्ने भएको छ । आगामी बर्षहरुमा बिहार, उत्तराखण्ड, पश्चिम बंगाल र सिक्किम र नेपालका सीमा क्षेत्रका जनताबीच थप अन्तरक्रिया गर्ने सम्भावना रहेको उनले बताए ।
नेपाल र भारतका सीमा क्षेत्रका जनताबीचको सांस्कृतिक, रोटिबेटी र धार्मिक सम्बन्ध अझै गहिरो बनाउन उत्तर प्रदेश महोत्सव आयोजना गर्न लागिएको भारतीय दूतावासका उपप्रमुख विनय कुमारले जानकारी दिए । महोत्सव माघ १३ र १४ गते होटल सोल्टी र अन्नपूर्णमा अलग अलग कार्यक्रमका साथ हुनेछ ।
भारतीय दूतावासका उपप्रमुख कुमारले लुम्बिनीको बारेमा मात्र नभएर जनकपुर, पोखरा र काठमाडौसँगको सांस्कृतिक, व्यापारिक र धार्मिक सम्पर्कलाई बढाउने बारेमा अब काठमाडांैमा हुन लागेको ‘उत्तर प्रदेश महोत्सव’ मा छलफल हुने जानकारी दिए । भारतीय दूतावासका अनुशार उक्त महोत्सवमा सीमापार पर्यटन प्रबर्धन गर्ने उद्देश्यले एक कार्यशाला गोष्ठी हुनेछ ।
काठमाडौस्थित भारतीय दूतावास, विपी कोइराला फाउन्डेसन, भारतीय उद्योग वाणिज्य महासंग र एसियन पेन्टस्को आयोजनामा हुन लागेको उक्त महोत्सव भारतको ६८ औँ गणतन्त्र दिवसको अवसर पारेर गर्न लागिएको दूतावास उपप्रमुख कुमारले बताए ।
माघ १३ गते उद्घाटन हुने महोत्सव अन्र्तगत भारतीय कलाकारले सांस्कृतिक कार्यक्रम प्रस्तुत गर्नेछन् । दुई दिनसम्म फुड फेस्टिभल, ह्यान्डिक्राफ्ट प्रदर्शनी समेत आयोजना हुने दूतावासले जनाएको छ । महोत्सव अन्र्तगत हुने सीमापार पर्यटन सेमिनारमा भारतले मधेश संगको सम्बन्धलाई रणनीतिक हिसाबले निकै महत्वका साथ लिने गरेको छ ।
नयाँ संबिधानमा मधेशी हरुले उठाएका माग सम्बोधन हुनुपर्ने भनी भारतले राखेको अडान मधेशमा उसको रणनीतिक स्वार्थसंग मिसिएको छ । मधेशसंगको आफ्नो सम्बन्ध राजनीतिक र रणनीतिक सुरक्षाका हिसाबले महत्वपूर्ण रहेको भारतीय रणनीतिक मामिलाका जानकारहरु बताउछन् ।
मधेससँगको अन्र्तक्रिया बढाउने, भगवान् गौतम बुद्दको जन्मस्थल लुम्बिनीको विकासबाट आफूले लाभ लिने भारतीय रणनीति छ । बिशेषगरी लुम्बिनीमा उत्तश्र छिमेकी चीन र पश्चिमा शक्तिको प्रभाव रोक्ने भारतको रणनीति छ ।
भारतको स्वार्थ मिल्नेगरी लुम्बिनी क्षेत्रको विकास गर्ने भारतीय नीति छ । यसका लागि भारतले बोधगया र लुम्बिनीलगायत क्षेत्र जोडेर बुद्धिस सर्किट बनाउने नीति लिएको छ । त्यसका अतिरिक्त जनकपुर र अयोध्यालाई जोडेर रामायण सर्किट बनाउने समेत भारतको नीति छ ।
प्रतिक्रिया दिनुहोस !
