बार्सिलोनाले नेमारलाई दिइएको पहेंलो कार्डबारे अपिल गर्ने
काठमाडौंः स्पेनिस क्लब बार्सिलोनाले नेमारलाई दिइएको पहेंलो कार्डबारे अपिल गर्ने भएको छ। नेमारलाई पहेंलो कार्ड दिने रेफ्रीको निर्णयविरुद्ध बार्सिलोनाले प्रतियोगिता समितिसँग अपिल गर्ने भएको हो।
बिहीबार राति कोपा डेल रेको क्वाटरफाइनलको पहिलो लेगको खेलमा नेमारलाई रेफ्रीले पहेंलो कार्ड दिएका थिए। नेमारलाई रियल सोसिडाडका गोल रक्षक जेरोनिमो रलीलाई फाउल हानेको भन्दै रेफ्रीले पहेंलो कार्ड दिएका थिए। तर, बार्सिलोनाले भने बास्तविकरुपमा गोलरक्षक रुलीले नै नेमारलाई फाउल हानेको दाबी गरेको छ।
रियल सोसिडाडविरुद्ध उक्त खेलमा बार्सिलोना नेमारकै पेनाल्टी गोलमार्फत १० वर्षपछि पहिलो लेगमा १–० को जित निकालेको थियो।
प्रतिक्रिया दिनुहोस !
