मोटरसाइकल जरायोसँग ठोक्किदा चालकको मृत्यु
बर्दिया : पूर्व पश्चिम महेन्द्र राजमार्ग अन्र्तगत बर्दिया राष्ट्रिय निकुञ्ज क्षेत्रमा जरायोसँग मोटरसाइकल ठोक्किदा मोटरसाइकल चालकको मृत्यु भएको छ ।
कैलालीबाट बर्दियाको भुरिगाउँ आउँदै गरेको से ३ प १०९५ नम्बरको मोटरसाइकल राजमार्गमा बाटो पार गर्दै गरेको पोथी जरायोसँग ठोक्किदा टीकापुर नगरपालिका ९ निवासी ४२ बर्षीय बिष्णुभक्त रावतको मृत्यु भएको हो ।
इलाका प्रहरी कार्यालय भुरीगाउँका प्रहरी निरिक्षक प्रेम क्षेत्रीका अनुसार मोटरसाइकलले ठक्कर दिएको जरायो समेत मरेको छ । निकुञ्ज क्षेत्रभित्र राजमार्गमा सवारी साधनको अधिकतम गतिले र्दुघटना हुने गरेको बर्दिया राष्ट्रिय निकुञ्जका निमित्त प्रमुख संरक्षण अधिकृत रमेश थापाले बताए ।
दुर्घटनामा पोेथी जरायोको मृत्यु भएको हो । एक महिना अघि सोही क्षेत्रमा बसले ठक्कर दिँदा लोपोन्मुख पाटेबाघको मृत्यु भएको थियो।
प्रतिक्रिया दिनुहोस !
