काठमाडौं: विगत तीन दशकअघिदेखि रूपन्देहीबाट खाद्यान्न तथा निर्माण सामग्री उत्पादन गर्दै आइरहेको गोयनका ग्रुपले बजारमा इलेक्ट्रोनिक्स सामानको व्यापार सुरु गरेको छ । आफ्नो बजारलाई विस्तार गर्नेक्रममा ग्रुपले इलेक्ट्रोनिक्स सामग्री लिएर बजारमा प्रवेश गरेको हो ।
उपभोक्तालाई कम मूल्यमा गुणस्तरीय इलेक्ट्रोनिक्स सामग्री उपलब्ध गराउने उद्देश्यकासाथ गोयनका ब्रान्डले भारत तथा चीनमा उत्पादित अन्तर्राष्ट्रिय स्तरका इलेक्ट्रोनिक्स सामग्री नेपाल भित्र्याएको कम्पनीले जनाएको छ ।
कम्पनीका उत्पादन बजारमा उपलब्ध अन्य उत्पादनको तुलनामा सुलभ मूल्यसहित उच्च गुणस्तरका भएकाले उपभोक्ताले मनपराउने कम्पनीको विश्वास छ । नेपाली बजारलाई मध्यनजर गर्दै हाल विभिन्न मोडेलमा रेफ्रिजेरेटर, वासिङ मेसिन, मिक्चर ग्राइन्डर, टेबल पंखा, सिलिङ पंखा, वाल पंखा, स्ट्यान्ड फ्यान, म्युजिक उफर, केट्ली तथा आइरन उपलब्ध हुने कम्पनीले जनाएको छ ।
गोयनका ब्रान्डले निकट भविष्यमा एलईडी टेलिभिजन, एसी, कुलर तथा डिप फ्रिज पनि नेपाली बजारमा ल्याउने भएको छ । कम्पनीले आफ्ना इलेक्ट्रोनिक्स सामग्रीमा न्यूनतम एक वर्षको वारेन्टीसहित देशका मुख्य सहरमा आफ्नै सर्भिस सेन्टरमार्फत बिक्रीपछिको सेवा प्रदान गर्नेछ ।
कम्पनीले भारतको सूर्या ब्रान्डका पंखा तथा एपलाइन्सका साथै सेलो ब्रान्डका एयर कुलर पनि नेपाल भित्र्याएको छ । सूर्या ब्रान्डका टेबल पंखा, वाल पंखा, स्ट्यान्ड फ्यान, सिलिङ फ्यान, मिक्चर ग्राइन्डर, रुम हिटर तथा आइरन बजारमा ल्याएको छ । भारतको प्रतिष्ठित सेलो ब्रान्डका विभिन्न मोडेलका एयर कुलर पनि नेपाली बजारमा भित्र्याएको कम्पनीले जनाएको छ ।
प्रतिक्रिया दिनुहोस !
