काठमाडौं: हिमाल चिया उद्योगले राकुरा ब्रान्डका नयाँ चिया सार्वजनिक गरेको छ । उद्योगले एकैपटक ८ प्रकारका चिया नेपाली बजारमा सार्वजनिक गरेको छ । कम्पनीले 'राकुरा २.०' सार्वजनिक गरेको हो । कम्पनीले उच्च गुणस्तर र नयाँ स्वादमा चिया सार्वजनिक गरेको जनाएको छ ।
यी उत्पादन विशेष गरी अन्तर्राष्ट्रिय बजारलाई लक्षित गरी सार्वजनिक गरिएको हो । कम्पनीले हिमालयन अर्गानिक ग्रिन टि साइट्रस फ्रुट, केमोमाइल, पेपरमिन्ट चिया, ब्ल्याक पिच, अर्गानिक अर्ल ग्रे, अर्गानिक लाइट ग्रिन र इंलिस ब्रेक फास्ट तथा अर्गानिक ग्रिन टि बजारमा ल्याएको हो ।
चिया शुद्ध अर्गानिक भएको कम्पनीका प्रबन्ध निर्देशक निराज राठीले बताए । उनकाअनुसार स्वास्थ्यका दृष्टीले पनि चिया निकै उत्कृष्ट छ । उनकाअनुसार राकुराका उत्पादन सबैतिर रुचाइएको छ । कम्पनीले अहिलेसम्म २२ किसिमका चिया ल्याइसकेको छ । सार्वजनिक गरिएका चिया काठमाडौंमा सयभन्दा बढी डिपार्टमेन्टल स्टोरबाट बिक्री सुरु भएको छ । यी चियाको मूल्य प्रतिप्याकेट एक सयदेखि १६० रुपैयाँ मात्रै रहेको कम्पनीले जनाएको छ ।
प्रतिक्रिया दिनुहोस !
