ललितपुर : ललितपुरको दक्षिणी क्षेत्र देवीचौर जौबारीमा साताव्यापी विश्व शान्तिपूजा (दोमङ) कार्यक्रम आयोजना गरिएको छ ।
देवीचौर जौबारीको बुज्याङ्ज्यू छ्योर्देन गुम्बा समाजले आयोजना गरेको कार्यक्रमको ललितपुर क्षेत्र १ का सांसद उदयशम्शेर राणाले उद्घाटन गरेका हुन् ।
पर्यटकीय क्षेत्रको सम्भावना बोकेको देवीचौरको विकासमा उक्त कार्यक्रमले सहयोग गर्ने उनको भनाइ छ । कार्यक्रममा समाजसेवी कृष्णचन्द्र महर्जनले आध्यात्मिक शान्तिको कामना गर्दै गुम्बा निर्माणका लागि सहयोग गर्न अपिल गरे ।
कार्यक्रमअन्तर्गत शुक्रबार गणेश स्थापना गरिएको थियो । शनिबार औपचारिक उद्घाटन, प्रवचन तथा आइतबारदेखि बिहीबारसम्म पूजापाठको कार्यक्रम राखिएको छ्योर्देन गुम्बा समाजले जानकारी दिएको छ ।
प्रतिक्रिया दिनुहोस !
