अमेरिकाका दक्षिणी राज्यहरुमा तूफान, १८ जनाको मृत्यु
![अमेरिकाका दक्षिणी राज्यहरुमा तूफान, १८ जनाको मृत्यु](https://annapurnapost.prixacdn.net/media/albums/AP-georgia-tornado-1-jt-170122_4x3_992-5885ccceb9d200.79078933_wq7ldlxhRT.jpg)
वासिङ्टन: अमेरिकाको दक्षिणी राज्यहरुमा शनिबार र आइतबार तूफान आउँदा १८ जनाको मृत्यु भएको छ। साथै केही भौतिक संरचनामा पनि क्षति पुगेको छ।
मिसिसिपी, अलाबामा, फ्लोरिडा र जर्जिया राज्यमा तूफानले बढी प्रभाव पारेको अधिकारीहरुले जनाएका छन्। १४ जनाको जर्जियामा र चार जनाको मिसिसिपीमा मृत्यु भएको पनि उनीहरुले बताएका छन्।
जर्जियाका गभर्नर नथान डेअलले दक्षिणी जर्जियामा सङ्कटकाल घोषणा गरेका छन्। सङ्कटकाल व्यवस्थापन निकायका प्रवक्ता काथेरिन हाउडेनले जीवितलाई खोजी तथा उद्धारका लागि तालिम प्राप्त कुकुरहरु परिचालन गरिएको जानकारी दिए।
अमेरिकाको राष्ट्रिय जलवायु तथा मौसम सेवाले फेरि पनि फ्लोरिडा र दक्षिण जर्जियामा तूफान आउन सक्ने चेतावनी दिएको छ। रासस/सिन्ह्वा
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)