महोत्तरी : महोत्तरीको गौशालामा भएको एक विवाह समारोहमा डेढ दर्जनभन्दा बढी मोबाइल चोरी भएको घटना मंगलबार सार्वजानिक भएको छ। गौशाला–७ का निशान्त साहको बहिनी रोजी साहको गत आइतबार भएको विवाह समारोहमा १९ वटा विभिन्न कम्पनीका मोबाइल चोरी भएको हो ।
विवाहमा सरिक भएका अतिथि एवम् आफन्तहरु राति सुतेको मौका छोपी चोरी भएको पीडित निशान्तले बताए । विभिन्न व्यक्तिका गरी चोरी भएका मोबाइल करिब चार लाख मूल्य बराबरको रहेको उनले जानकारी दिए।
घटनाका सम्बन्धमा आवश्यक अनुसन्धान भइरहेको इलाका प्रहरी कार्यालय गौशालाका प्रहरी निरीक्षक शम्भु पोखरेलले जानकारी दिए। रासस
प्रतिक्रिया दिनुहोस !
