काठमाडौः नेपालका लागि इनफोकसको आधिकारिक बिक्रेता प्रिज्म टेक्नोलोजीले इनफोकसका स्मार्टफोन कम्पनीले उत्पादन गरेको स्मार्टफोन इनफोकस इपिक वान सार्वजनिक गरेको छ ।
विगत एक दशकदेखि सूचना प्रविधि तथा मोबाइल उद्योगमा काम गरिरहेको कम्पनी प्रिज्म टेक्नोलोजीले पछिल्लो समय मोबाइल बजारमा देखिएको प्रतिस्पर्धालाई ध्यानमा राख्दै यो इस्मार्टफोन बजारमा ल्याएको जनाएको छ । कम्पनीका अनुसार, यो स्मार्टफोनले अन्तर्राष्ट्रिय बजारमा राम्रो सफलता हासिल गरिसकेको छ । आकर्षक डिजाइन र उत्कृष्ट विशेषताका साथ बजारमा आएको यो स्मार्ट फोनको बजार मूल्य ३१ हजार नौ सय ९० रुपैयाँ रहेको छ ।
कम्पनीले नेपाली बजारमा अहिलेसम्म इनफोकसका एम ८०८ आई, एम ६८०, बिन्गो २०, एम ३७० आईलगायतका मोडल भित्र्याइसकेको छ । बजारमा भित्रयाएको स्मार्टफोनले पाएको सफलतापछि यो स्मार्टफोन बजारमा ल्याउनु कम्पनीका लागि महत्वपूर्ण भएको कम्पनीले जनाएको छ ।
कम्पनीका अनुसार, इनफोकस इपिक वानमा हरेक विशेषताहरु उत्कृष्ट छन । १० कोर प्रोसेसरमा आधारित यो स्मार्टफोनमा मिडियाटेकको एमटी ६७९७ एम डेका कोर प्रोसेसरको प्रयोग भएको छ । यसले स्मार्टफोन फास्ट हुनुका साथै ३० प्रतिशत ब्याट्री पावर सुरक्षित गर्ने कम्पनीको दाबी छ । यसमा ५.५ इन्चको एलटिपिएस फुल एचडी गोरिल्ला ग्लास प्रयोग गरिएको छ ।
सेल्फी एक्सपर्ट स्मार्टफोनको रूपमा कम्पनीले बजारमा ल्याएको यो स्मार्टफोनमा ८ मेगापिक्सलको फ्रन्ट क्यामेरा रहेको छ । यसले कम उज्यालोमा पनि चम्किलो फोटो खिच्नेछ । साथै यसमा १६ मेगापिक्सेलको रियर क्यामेरा रहेको छ ।
स्मार्टफोनमा तीन जिबीको र्याम र ३२ जिबीको आन्तरिक स्टोरेज क्षमता रहेको छ । यसको आन्तरिक क्षमतालाई एसडीकार्डको प्रयोग गरी थप गर्न पनि सकिने कम्पनीले जनाएको छ ।
इपिक वानमा फास्ट फिङ्गरप्रिन्ट रेकोग्निशन प्रविधिको प्रयोग गरिएको छ । यसले ३६० डिग्रीमा एक सेकेण्डमा नै फिङ्गरप्रिन्टबाट लक अन गर्न सक्ने कम्पनीले जनाएको छ । यो स्मार्टफोनमा ३००० एमएएचको शक्तिशाली ब्याट्री प्रयोग गरिएको छ, जुन छिटो चार्ज हुनुका साथै लामो समयसम्म चल्छ ।
यो फोन हेर्दा आकर्षक का साथै प्रविधिको हिसाबले पनि उत्कृष्ट हुने कम्पनीले जनाएको छ । यसको पछाडिपट्टि कभर्ड डिजाइनमा मेटालिक बडी रहेको छ । एन्ड्रोइड ६.० अपरेटिङ सिस्टममा आधारित यो फोनले फोरजी लगायतका नेटवर्क पनि पुर्णरुपमा सपोर्ट गने कम्पनीले जनाएको छ ।
प्रतिक्रिया दिनुहोस !
