काठमाडौं: माइती नेपालकी अध्यक्ष अनुराधा कोइरालालाई भारत सरकारले पद्मश्री सम्मान प्रदान गर्ने घोषणा गरेको छ।
महिला र बालिकाको क्षेत्रमा सामाजिक कार्य गरेबापत अनुराधालाई सन् २०१७ को पद्मश्री सम्मान प्रदान गर्ने निर्णय नेपालस्थित भारतीय राजदूतावासले आफ्नो ट्विटरमार्फत र भारतीय पत्रिका 'द हिन्दू'को अनलाइन संस्करणले उल्लेख गरेको छ।
Awarded for her exemplary Social Work, Dijju Anuradha Koirala is the only foreigner to be bestowed Padma Shri Award 2017. pic.twitter.com/07s8QsfmSS
— IndiaInNepal (@IndiaInNepal) January 25, 2017
अनुराधा भारत सरकारो तर्फबाट पद्मश्री सम्मान पाउने एक्लो विदेशी हुन्। यसअघि उनी २०६८ सालमा 'सीएनएन हिरो'को उपाधि जिति सकेकी छिन्।
यसका साथै भारत सरकारले आफ्नो ६८ औ गणतन्त्र दिवसको अवसरमा उसले ७ जनालाई पद्म विभूषण, ७ जनालाई भूषण र ७५ जनालाई पद्मश्री पुरस्कार प्रदान गर्ने भएको छ। तर यो वर्ष भने भारतको सर्वोच्च नागरिक सम्मान 'भारत रत्न' को सम्मान कसैलाई दिइने छैन।
प्रतिक्रिया दिनुहोस !
