नेशनल ज्योग्राफिकको ‘साहसी वर्ष व्यक्ति’ अवार्ड मीरा राईले जितिन्

काठमाडौं : विश्वकै चर्चित टेलिभिजन च्यानल ‘नेशनल जोग्राफिकको ‘एड्भान्चर अफ दी इयर २०१७’ को अवर्ड नेपाली चेली मिरा राईले जितेकी छिन् । अल्ट्रा म्याराथन धाविका मीराले विश्वका नौ जना साहसिक व्यक्तिलाई अनलाइन भोटिङमापछि पार्दै अवार्ड हात पारेको नेसनल ज्योग्राफिक अनलाइनले जनाएको छ ।

नेपाली धाविका मीरासँगै यो प्रतिस्पर्धाका लागि १० जना मनोनयनमा परेका थिए । गत १२ वर्षदेखि सञ्चालन हुँदै आएको साहसिक प्रतिस्पर्धामा अन्वेषण, संरक्षण तथा मानवीय क्षेत्रका उत्कृष्ट काम र साहसिक खेलमा सहभागी व्यक्तिको नाम छनोट गर्ने गरिन्छ ।

भोजपुरमा जन्मिएकी २९ वर्षीया मीरा किशोर अवस्थामा नेकपा माओवादीले सुरु गरेको सशस्त्र द्वन्द्वमा सहभागी भएकी थिइन । लामो समय माओवादीमा लडाकु भएर काम गरेरकी मीरा माओवादी शान्ति प्रक्रियामा आएपछि भएको सेना समायोजन प्रक्रियामा अयोग्य ठहरिएकी थिइन् ।

पूर्व लडाकु रहेकी मीरा गत वर्षमात्र फ्रान्समा सम्पन्न ८० किलोमिटर विश्व म्याराथनमा पहिलो भएकी थिइन् । मीराको बारेमा  नेशनल जोग्राफीले बनाएको भिडियो :

यो पनि पढ्नुहोस्

'अयोग्य लडाकु' विश्व च्याम्पियन'

अल्ट्रा म्याराथनमा मीरा राईको छलाङ