प्यूठानः गाउँमा सडक खनेर घरतर्फ फर्किने क्रममा जेसिभी पल्टिँदा प्यूठानमा घटनास्थलमै तीन जनाको मृत्यु भएको छ । दाङवाङ-६ कोलबोटमा गएराती ना १ ख ३३१९ नम्वरको जेसिभी दुर्घटना भएको हो ।
दुर्घटनामा परी दाङवाङ-६ का २० वर्षीय शेषकान्त आचार्य, सोही ठाउँकै १२ वर्षिय ज्ञानेन्द्र बहादुर गाहा र वडा नम्वर ८ का सहचालक दिपक गाहामगरको मृत्यु भएको जिल्ला प्रहरी कार्यालय प्यूठानले जनाएको छ ।
दुर्घटनामा परी ९ जना घाइते भएको प्यूठानका प्रहरी प्रमुख डिएसपी रंजितसिँह राठौँरले जानकारी दिए । उनका अनुसार गम्भिर घाइते ६ जनालाई थप उपचारका लागि भैरहवा मेडिकल कलेजमा पठाइएको छ । दुर्घटनाको विस्तृत विवरण आउन बाँकी छ ।
प्रतिक्रिया दिनुहोस !
