भोलिदेखि मौसम सुधार हुने हुँदा जाडो हट्ने
काठमाडौः पश्चिमी वायुको प्रभावका कारण बिहीबार साँझ देखि मौसम बदली हुदाँ शुक्रबार विहानदेखिनै देशभर बर्षा भएको छ । बर्षासँगै काठमाडौं उपत्यका देखि पश्चिमी क्षेत्रमा निरन्तर पानी परी रहेको मौसमविद् शान्ति कडेलले अन्नपुर्णसँग भनिन् ।
आज दिनभर मौषम बदली हुने भएकाले वर्षा पुर्वतर्फ सर्दै गएको छ, उच्च हिमाली भेगमा हिमपात भएको कडेलले बताइन् । हिमपात र पानी पर्दा सामान्य चिसो बढेको छ तर क्रमिक रुपमा तापक्रम बढ्दै जाने उनले बताइन् ।
शनिबारदेखि क्रमिक रुपमा मौसम सुधार हुदाँ तापक्रम बड्ने र जाडो हट्ने जल तथा मौसम विज्ञान विभाग कार्यालय एयरपोर्टले पूर्वनुमान गरेको छ । पश्चिम नेपालबाट वदली शुरु भएको मौषम पुर्वी भेगमा बदली हुँदै जाने कार्यालयको पुर्वनुमान छ । ओसिलो बढी हुँदा तुवाँलो र बादलले आकाश ढाक्ने छ ।
आइतबारदेखि घाम लाग्ने र अधिकतम तापक्रम घट्ने न्युनतम तापक्रम बढ्ने छ । बिहिबार बिहानको न्युनतम तापक्रम ९.४ डिग्री सेल्सीयस रहेको थियो । यो बर्ष माघ १ गते बर्षकै चिसो हुदाँ उपत्यकामा शुन्य दशमलव चार डिग्री सेल्सीयस रहेको थियो । गत वर्ष पुस ८ गते वर्षकै कम न्यूनतम तापक्रम शून्य डिग्रीमा झरेको थियो ।
साउथ एसियन क्लाइमेट आउटलुक फोरम (सास्कोप) को दुई महिनाअघि भुटानमा सम्पन्न सम्मेलनले नेपालको मौसमको पूर्वानुमान गरेको थियो ।
प्रतिक्रिया दिनुहोस !
