राष्ट्रपति विद्यादेवी भण्डारी चढेको हेलिकोप्टर दाङमा आकस्मिक अवतरण
दाङ : राष्ट्रपति विद्यादेवी भण्डारी चढेको हेलिकोप्टर दाङको भालुवाङमा आकस्मिक अवतरण गरिएको छ।
राजधानीबाट धनगढीका लागि उडेको नेपाली सेनाको ‘पुमा’ हेलिकोप्टर दाङको भालुवाङमा रहेको सशस्त्र प्रहरीको ज्वालामाइगणमा आकस्मिक अवतरण भएको हो ।
प्रमुख जिल्ला अधिकारी मेघनाथ काफ्लेका अनुसार मौसम खराबीका कारण अवतरण भएको हेलिकोप्टर मौसम सफा नभएसम्म त्यही रहने छ ।
हेलिकोप्टरमा राष्ट्रपति भण्डारीका साथमा पूर्व गृहमन्त्री भीम रावलसहित १२ जना सहभागी थिए । दिउँसो एक बजेतिर अवतरण भएको हेलिकोप्टर मौसम सफा नभएसम्म त्यही बस्ने भएको छ ।
प्रतिक्रिया दिनुहोस !
