काठमाडौं : जर्मनी भक्स वागन गाडीको नेपाली बिक्रेता पुजा इन्टरनेशनलले भक्सवागन एक्स्चेञ्ज कार्निभल योजना ल्याएको छ । एक्स्चेञ्ज कार्निभलमा ग्राहकले जुनसुकै ब्रान्डको गाडी ल्याएर भक्स वागनको पोलो, भेन्टो, विटल र टिगुवान कारसँग साट्न सक्नेछन् ।
एक्स्चेञ्ज कार्निभल भक्स वागनको थापाथली र पानीपोखरी शो–रुममा एक हप्तासम्म चल्ने छ । कम्पनीले एक्स्चेञ्ज गर्न ल्याउने पुराना गाडीको अधिकतम मूल्यांकन गर्ने बताएको छ ।
कार्निभलमा महिलाका लागि निःशुल्क सेफ्टी डाइभिङ र एशेसरिज उपलब्ध गराउने कम्पनीले जनाएको छ । कम्पनीले कार्निभलमा भक्स वागन गाडी खरिद गर्ने ग्राहकलाई विदेश घुमाउने योजना पनि सार्वजनिक गरेको छ ।
भक्स वागनको कुनै पनि गाडी खरिद गर्ने दुई जनाले थाइल्यान्ड घुम्ने अवसर पाउनेछन् । एकजना भाग्यशाली ग्राहकले युरोप भ्रमण गर्न पाउनेछ । एक्स्चेञ्ज कार्निभलमा फुडस्टल, म्याजिक शो, लाइभ प्रफमेन्स, एक्स्चेञ्ज बोनस दिएर ग्राहक आकर्षित गर्ने कम्पनीले जनाएको छ ।
साथै, टेस्ट ड्राइभ गर्नेले विशेष उपहार पाउने बताइएको छ । कम्पनिका अनुसार भक्सवागन गाडीमा ग्राहकले दुई वर्षको वारेन्टी पाउनेछन् ।
प्रतिक्रिया दिनुहोस !
