हरेक काम समान हुन् भनिन्छ । काम ठूलो र सानो भन्ने हुँदैन । कस्तो काम गर्ने भन्ने पनि मानिसको व्यक्तिगत रुचिमा भरपर्छ । यद्यपि संसारभर नै मानिसका रुचि हुने पेसा सीमित छन् । त्यसमध्ये लोकप्रिय आठ पेसा निम्न छन्ः
चिकित्सक
चिकित्सक संसारभर नै लोकप्रिय पेसा हो । यो सम्मानित एवं लाभदायक पेसा हो । नेपालमा जीव विज्ञानमा प्लस टु गरेपछि यो विषय मेडिकल साइन्स पढ्न पाउने व्यवस्था छ ।
सीईओ
प्रमुख कार्यकारी अधिकृत (सीईओ) कुनै पनि संस्थाको निर्णयकर्ता, नेतृत्वकर्ता र व्यवस्थापक हो । कम्पनीको सम्पूर्ण निर्णय गर्ने अधिकार उसँग हुन्छ । सीईओकै दृष्टि, उत्साह र नेतृत्व क्षमताले नै कम्पनीको सफलता, असफलता निर्भर हुन्छ । यो पदमा पुग्नका लागि वर्षौंको अनुभव, मेहनत र तालिम आवश्यक पर्छ ।
फर्मासिस्ट
यो स्वास्थ्यसँग जोडिएको पेसा हो । चिकित्सकले तोकेको औषधि बिरामीलाई बेच्नु, उसलाई औषधिको नियमिततता कायम गर्न सघाउने उसको काम हो ।
मार्केटिङ म्यानेजर
कम्पनीको उत्पादनलाई उपभोक्ताबीच पुर्याउने, बिक्री बढाउने गरी रणनीति तयार गर्ने काम मार्केटिङ म्यानेजरले हो । उपभोक्तामाझ उत्पादनको बिक्री, वितरण बढाउने नीति तय गर्न कम्पनीले यस्ता म्यानेजर राख्ने गर्दछ ।
आईटी म्यानेजर
यो समय सूचना प्रविधिको हो । आईटी म्यानेजर त्यसैसँग सम्बन्धित पेसा हो । आईटी म्यानेजरहरूले सफ्टवेयर र कम्युटर प्रणालीको डिजाइन गर्ने गर्दछन् । आईटी म्यानेजरहरूले निश्चित कम्पनीको सम्पूर्ण कम्प्युटर प्रणाली, सुरक्षा रणनीतिको व्यवस्थापनदेखि नयाँ सफ्ट्वेयर निर्माणसम्म गर्छन् ।
कानुन व्यवसायी
व्यक्तिगत र संस्थागत कानुनी सल्लाह दिने, मुद्दा लडिदिने काम कानुन व्यवसायीको हो । जीवन झन्झन् जटिल बन्दो छ त्यसैले मानिसलाई व्यक्तिगत रूपमा पनि कानुनी समस्याहरू आइरहन्छन् । त्यस्तै व्यवसायको बढ्दो दायराको कारणले व्यावसायिक संस्थाहरूलाई पनि कानुन व्यवसायीको खाँचो परिरहन्छ ।
फाइनेन्सियल म्यानेजर
फाइनेन्सियल म्यानेजरले कम्पनीहरूलाई वित्तीय व्यवस्थापन गर्न सहयोग गर्छन् । कम्पनीको सम्पूर्ण वित्त व्यवस्थापन गर्ने, लक्ष्य तयार गर्ने र कम्पनीलाई फाइदा हुने रणनीति तय गर्ने उनीहरूको कर्तव्य हो । यो घन्टौंसम्म खटेर गर्नुपर्ने काम हो ।
बिजनेस अपरेसन म्यानेजर
बिजनेस अपरेसन म्यानेजरले कम्पनीको दैनिक कार्य विश्लेषण गर्छ । यो पदमा पुग्नका लागि अनुभव, तालिम र नेतृत्वकला चाहिन्छ । यो पदमा बसेको मानिसले कम्पनीको गतिविधिसँगै आफू मातहत सयौं कर्मचारीको व्यवस्थापन गर्नुपर्छ ।
प्रतिक्रिया दिनुहोस !
