काठमाडौः सनराइज बैंक लिमिटेडले इलाम शाखालाई स्थानान्तरण गरेको छ । इलामकै सोही ठाउँमा स्थानान्तरण भएको उक्त शाखाको उद्घाटन इलामका प्रमुख जिल्ला अधिकारी जनकराज दाहालले गरेका थिए । सो अवसरमा बैंकका नायव महाप्रबन्धक रविन नेपाल पनि उपस्थित थिए ।
बैंकले सेवालाई छिटोछरितो ग्राहकसमक्ष पुर्याउने उद्देश्यका साथ पायक पर्ने स्थानमा उक्त शाखा स्थानान्तरण गरेको बैंकले जनाएको छ । उक्त शाखाबाट ग्राहकलाई लकर सेवासमेत उपलब्ध गराइएको छ । हाल बैंकले मुलुकभर ६७ वटा शाखा र ७२ वटा एटीएमद्वारा सर्वसुलभ सेवा प्रदान गर्दै आएको छ ।
साथै बीपी कोइराला स्वास्थ्य विज्ञान प्रतिष्ठान धरान, चितवन मेडिकल कलेज नारायणघाट र मलेसिया भीएलएन उत्तरढोका काठमाडौंमा एक्सटेन्सन काउन्टर तथा १३ वटा शाखारहित बैंकिङ सेवा सञ्चालनमा ल्याएको बैंकले जनाएको छ ।
प्रतिक्रिया दिनुहोस !
