स्यालको आक्रमणबाट चार घाइते

सिमकोटः  स्यालको आक्रमणले मैलागाउँका चार जना घाइते भएका छन् । बाटोमा हिडिरहेको बेला वनबाट अचानक कराउँदै आएर जंगली स्यालको टोकाइबाट मैला गाविस ५ की १५ वर्षीया शान्ति शाही, मैला ३ कि ३१ वर्षीया बिउरा बुढा, मैला १ का १४ वर्षीय बिसिङ चँदारा र मैला ३ का नरविर धामी घाइते भएका छन् । घाइे मध्ये शान्ति शाही र नरविर धामीको अवस्था चिन्ता जनक भएको मैला स्वास्थ्य चौकीका इन्चार्ज लिलाराज शर्माले जानकारी दिए ।

जंगली स्यालको टोकाइबाट शान्तिको टाउँको र धामीको अनुहारमा गम्भीर घाउँ भएपछि थानय स्वस्थ्य संस्थामा उपचार हुन नसकेपछि नेपालगञ्ज मेडिकल कलेज लगिएको स्वास्थ्य चौकी इन्चार्ज शर्माले बताए ।

एक सातादेखि रात र दिउँसौ निकै कराउने गरेको जंगली स्यालले कोही मान्छेलाई बाटोमा एक्लै देख्ने बित्तिकै चिथोर्न आउने गरेको मैला ५ का हेमबहादुर शाहीले बताए । उनका अनुसार स्यालको टोकाइबाट २ भैसी र ३ मरेका छन् । सँधै मान्चे देखेपछि भाग्ने गरेका जंगली स्यालको पछिल्लो क्रियाकलापले स्थानीय वासिन्दालाई घरबाट निस्कन र काममा जान समेत निकै समस्या भएको मैला २ का मानबहादुर रोकायाले बताए ।

रोकायाले अन्नपूर्णसँग भने-'जंगली स्याल अचानक झारबाट आएर बहुलाह कुकुरलै टोक्ने गरेका छन् । कहिले समूहमा आउने त कहिल्यै एक्लै आएरपनि मानिस पशुवस्तु जे भेट्यो त्यसैलाई टोक्ने गरेका छन् ।'

पछिल्लो साता बिहान र बेलुकाको समयमा जंगली स्याल घर भित्रै पसेर टोक्न थालेको मैला ५ का हेमबहादुर शाही बताए । उनका अनुसार उपचारका लागि नेपालगञ्ज पुर्‍याएकी शान्ति शाहीलाई गत आइतबार घरभित्रै गएर २ स्यालले टोकेर गम्भीर घाइते बनाएका हुन् ।

स्वास्थ्य संस्थामा औषधी नहुँदा थप समस्या

जंगली स्यालको टोकाइबाट घाइते भएकाहरुको उपचारका लागि स्थानीय स्वास्थ्य संस्थामा आवश्यक औषधी नहुँदा थप समस्या भएको छ । जंगली स्यालको टोकाइले घाइते भएका बिरामीलाई रेविज र टिटि खोप लगाउनु पर्ने भएपनि स्थानीय मैला स्वास्थ्य चौकीमा उपलब्ध नभएपछि बिरामीलाई उपचार गर्न थप समस्या भएको मैला स्वास्थ्य चौकीका इन्चार्ज लिलाराज शर्माले बताए ।

स्यालको टोकाइबाट उपचारका लागि स्वास्थ्य चौकी आएका सुरुका २ जना बिरामीलाई स्वास्थ्य चौकीमा भएको टिटि खोप लगाएपनि त्यसभन्दा पछिका बिरामीलाई सामान्य ड्रेसिङबाहेक केही गर्न नसकिएको शर्माले स्वीकार गरे ।

टिटि खोपका लागि समेत एक दिनको पैदाल हिडेर श्रीनगर इलाका स्वास्थ्य चौकीमा भएको सश सेन्टरमा जानु पर्ने भएकोले पनि समस्या भएको हो । यसका लागि आफूले जिल्ला स्वास्थ्य कार्यालयमा खबर गरेको भएपनि खासै केही प्रतिक्रिया नआएको शर्माले बताए ।