पाल्पामा लोकप्रिय बन्दै तेक्वान्दो

पाल्पाः पाल्पामा तेक्वान्दो खेल दिनहुँ लोकप्रिय बन्दै गएको छ । सदरमुकाम तानसेनमा रहेका सबैजसो विद्यालयमा तेक्वान्दो दोजाङ गठन गरी नियमित रूपमा खेल सञ्चालन हुँदै आएको छ ।

नियमित खेल अभ्यासका कारण राष्ट्रिय तथा अन्तर्राष्ट्रिय प्रतियोगितामा पाल्पाले हरेक पटक पदक जित्दै आएको छ । तानसेनमा आयोजना भएको जिल्लास्तरीय राष्ट्रपति रनिङ सिल्ड प्रतियोगितामा पनि यहाँका सबै विद्यालयले सहभागिता जनाए । दुई दिनसम्म चलेको राष्ट्रपति रनिङ सिल्ड प्रतियोगितामा तेक्वान्दोतर्फ एक सय ५० जना खेलाडीले प्रतिस्पर्धा गरेका थिए ।

प्रतियोगितामा स्पाइरिङतर्फ २० देखि २५ केजी तौलसमूहमा तानसेन तेक्वान्दो दोजाङका राजन रेग्मी प्रथम, बेथल तेक्वान्दो दोजाङका गणेश थापा दोस्रो, प्यारागन दोजाङका कविर ढकाल र सुजन श्रेष्ठ तेस्रो भए ।

२६ देखि ३० केजी तौलसमूहमा प्यारागन दोजाङका अमर राई प्रथम, वेथल दोजाङका विपिन जर्घा दोस्रो, तानसेन दोजाङका अंकित थापा र आशीष अधिकारी तेस्रो भए । ३१ देखि ३५ केजीमा बेथल दोजाङका नेल्सन आले पहिलो, रमेश नेपाली दोस्रो, प्यारागन दोजाङ्का सुमन श्रेष्ठ र प्रिपेटोरी दोजाङका रमेश नेपाली तेस्रो भए ।

३६ देखि ४० केजीमा तानसेन दोजाङ्का अर्जुन गैरे प्रथम, मदरल्याड दोजाङ्का उत्तम खासु दोस्रो, वेथल दोजाङ्का नवीन सारु र मदरल्यान्ड दोजाङका थेमन हमालले तेस्रो स्थान हासिल गरे । ४६ देखि ५० केजीमा वेथलका अभिषेक सारु प्रथम, प्रशान्तिका मनबहादुर आले दोस्रो, तानसेन दोजाङका निर्दोष देवकोटा र प्रिपेटोरीका रिजन सारु तेस्रो भए ।

त्यस्तै पुरुष प्याटनतर्फ पहेँलो पेटीमा वेथल दोजाङका विशाल काम्मु प्रथम र प्यारागन दोजाङका रोशन दर्लामी दोस्रो भए । हरियो पेटीमा प्यारागनका विकास थापा प्रथम, प्रशान्ति दोजाङका सरोज गाहा दोस्रो भए । नीलो पेटीमा वेथल दोजाङका रूपेश रेश्मी प्रथम र महेश घर्ती दोस्रो भए । रातो पेटीमा प्रशान्तिका निकेश थापा प्रथम र वेथलका नेल्सन आले दोस्रो भए ।
यसैगरी महिला स्पारिङतर्फ २५ देखि ३० केजीमा वेथलकी पुष्पा थापा प्रथम, निशा कुँवर दोस्रो, तानसेन दोजाङकी रोशनी थापा र वेथलकी प्रशंसा कार्की तेस्रो भइन् । ३० देखि ३५ केजीमा प्यारागन दोजाङकी सञ्जीवनी दर्लामी प्रथम, मदरल्यान्डकी रीता नेपाली दोस्रो भइन् । त्यस्तै ४१ देखि ४५ केजीमा मदरल्यान्डकी सम्झना हिताङ प्रथम, प्रशान्तिकी बिना परियार दोस्रो, सोनी घर्र्ती तेस्रो भइन् । ४६ देखि ५० केजीमा मुना दिशा प्रथम, मदरल्यान्डकी रिया रुचाल दोस्रो भइन् ।

महिला प्याटनतर्फ प्यारागनकी समीक्षा गाहामगर प्रथम, वेथलकी निशा कुँवर दोस्रो भइन् । हरियोमा तानसेन दोजाङकी रोशनी थापा प्रथम, वेथल दोजाङकी प्रशंसा कार्की दोस्रो भइन । नीलो पेटीमा मदरल्यान्ड दोजङकी रिया रुचाल प्रथम, प्रशान्ति दोजाङकी सृष्टि सोती दोस्रो स्थान हात पारिन् । रातो पेटीमा वेथल दोजाङकी शीतल विरकट्टा पहिलो र अस्मिना थापा दोस्रो भइन् ।