क्लोज अपको 'क्लोज अप लभ फेस्ट' कार्यक्रम
काठमाडौं: भ्यालेन्टाइन डेका अवसरमा क्लोज अप टुथपेस्टले 'क्लोज अप लभ फेस्ट'कार्यक्रम आयोजना गरेको छ।
आफूले माया गर्ने मान्छे नजिक्याउने योजनाका साथ कम्पनीले यो कार्यक्रम सञ्चालनमा ल्याएको हो। कम्पनीका अनुसार नयाँ जोडीका लागि यो एक उत्कृष्ट गन्तव्य भएको छ।
क्लोज अपले भ्यालेन्टाइन डेमा युवाका लागि विशेष वातावरण बनाउन शनिबार सिभिल मलमा विभिन्न प्रतियोगिता आयोजना गरेको थियो। उक्त अवसरमा लाइभ ब्यान्ड, डिजे जोन, डान्स पर्फमेन्स मनोरन्जनात्मकलगायत कार्यक्रम आयोजना गरिएको थियो।
कार्यक्रममा साइन ब्यान्ड, शिव परियार, चिन्टु एन्ड द ओल्ड मंक, आस्था बि, नवीन के भट्टराई एन्ड द ब्यान्ड, दीपक बज्राचार्य एन्ड रिदम ब्यान्ड, शिवबहादुर गुरुङ, अर्थ ब्यान्ड, नताशाको थिम बेलीडान्स, यशु खड्का एन्ड टिमको साल्सा, स्ट्रक पप बि बोइङ र डिजे जेनीले मनोरन्जन दिएका थिए।
प्रतिक्रिया दिनुहोस !
