सजिलो बन्दै इभेन्ट म्यानेजमेन्ट
काठमाडौं: पहिले विवाह गर्न पैसा र मानव संसाधन दुवै आवश्यक पथ्र्यो तर अहिले समयले कोल्टे फेरेको छ । पैसा भए जुनसुकै इभेन्ट पनि चाहेको जसरी समयमै सम्पन्न गर्न सकिन्छ । विगत १७ वर्षयता कर्पोरेट इभेन्टदेखि हरेक प्रकारका सामाजिक इभेन्टको व्यवस्थापन गर्दै आएको छ, एभरेस्ट एड एन्ड इभेन्ट म्यानेजमेन्टले ।
अघिल्ला वर्षमा कर्पोरेट तथा प्रोडक्ट इभेन्ट म्यानेजमेन्ट गर्दै आएको एभरेस्टले ठूला औद्योगिक घरानाकै आग्रहमा अन्य सामाजिक इभेन्ट सुरु गरेको हो । ‘विवाहको निम्तो कार्डदेखि साइपाटा मिलाउने, दुलही फर्काउने, सम्धी भेट र कसार बटार्नेदेखि दनौरा बनाउनेसम्मका काम गर्दै आएको एभरेस्ट इमेन्टका निर्देशक सिद्धार्थनाथ रिमालले बताए । हरेक प्रकारका इभेन्टका लागि आवश्यक सबै व्यवस्थान एभरेस्टले गर्दै आएको छ’, उनले भने, ‘खानामा कुन डिस राख्ने, इभेन्ट कहाँ गर्ने, होटेल कि पार्टी प्यालेस उहाँँहरूकै चाहना र क्षमताअनुसार व्यवस्थापन गर्दै आएका छौं ।’ यसो गर्दा समय र खर्च दुवैको व्यवस्थापन भएको छ ।
स्वदेश र विदेश दुवै स्थानबाट विवाह म्यानेजमेन्टका लागि अफर आउने गरेको छ । विवाहका लागि ठाउँ सरेर आउनेका लागि आवासको समेत व्यवस्था गर्छ एभरेस्ट म्यानेजमेन्ट ।
१५ प्रतिशत सर्भिस चार्ज लिएर पाँचतारे होटेलदेखि पार्टी प्यालेससम्मका इभेन्टको व्यवस्थापन गर्दै आएको उनले सुनाए । इभेन्टको व्यवस्थापन गर्न हाम्रो टिम छ र हामी आफैं सबै काम गर्छौं, त्यही भएर इभेन्ट गराउनेहरूसँग हामी परिवारका सदस्य जस्तै भएका छौं । इभेन्ट व्यवस्थापन गरेका परिवारबाट हामीलाई चाडपर्वमा बोलावट हुन्छ । विदेशबाट आउँदा सदस्य सरह नै गिफ्ट पनि आउने गरेको छ । एउटै परिवारको जस्तो सम्बन्ध गाँसिएको छ हामीमा । कुनै चिन्ता नलिई विवाह गर्न पाएकोमा उहाँहरू ज्यादै खुसी र सन्तुष्ट हुनुहुन्छ भने हामी पनि व्यवसाय फस्टाउँदै गएकोमा खुसी छौं ।
विवाहको कार्ड डिजाइन गर्दै गर्दा पूरै विवाह जिम्मा लिने अफर आयो । ‘हामीले काम गर्न सुरु ग¥यौं’, एभरेस्टका अर्का निर्देशक देवदिप्य रिमालले भने । विवाह मण्डप सजाउनेदेखि आवास सजाउनेसमेतका काम हामीले नै गर्दै आएका छौं । विवाहका लागि माला कस्तो बनाउने, कपडाको डिजाइन कुन हुने, कति साइपाटा लैजाने, सम्धी भेटमा के दिने र के चलिरहेको छ, उहाँहरूले भनेअनुसारकै तयारी गर्छौं । ‘परिवारले ल्याउने भनेको दुलाहा दुलहीको कपडा र गरगहना मात्रै हो । त्यसको पनि जिम्मा दिए त्यो पनि गर्न हामी तयार छौ’, रिमालले भने । अहिले विवाहका लागि महत्वाकांक्षी थिम आएको छ । नयाँँ कुनै वरबधुले पुरानो रोमन तथा ग्रीस सहर जस्तो डिजाइन खोज्छन् त कसैले नयाँ प्रविधियुक्त टेक्नो, फ्युजन थिम । विवाह मण्डप सजाउनेमा पनि विविधता छ । ५/६ वर्षअघिसम्म रोयल थिम चलेको थियो ।
तीन दिने विवाहभन्दा एक दिने विवाह बढी प्रचलनमा छ । दुलाहाका लागि दौरा सुरुवाल र दुलहीका लागि नेट साडी बढी चल्ने गरेको छ । फोटो राम्रो आउने र विवाह मन्डप दिउँसोभन्दा राती आकर्षक देखिने भएकाले हाम्रो चाहना राति भए पनि उहाँहरूले भनेकै समय वा लगनमा विवाहको व्यवस्थापन गर्दै आएका छौं । विवाहमा मेहेन्दी लगाउने रेसमदेखि ‘विवाहपछि दुलाहादुलही जस्तै सजिएर फोटो खिच्नेसम्मको प्याकेज छ हामीसँग’, रिमाल ब्रदर्सले भने, ‘फोटो खिच्नका लागि पोखरा, नगरकोट या उहाँहरूले रोजेको अन्य कुनै स्थानमा गाडीसहितको सुविधा छ ।’
स्वदेश र विदेश दुवै स्थानबाट विवाह म्यानेजमेन्टका लागि अफर आउने गरेको छ । विवाहका लागि ठाउँ सरेर आउनेका लागि आवासको समेत व्यवस्था गर्छ एभरेस्ट म्यानेजमेन्ट । विदेशमै विवाह गर्नेका लागि आवश्यक सामान कुरियर गरेर पठाउने गरेको रिमालले बताए । आम ग्राहकलाई गुणस्तरीय सेवा दिन एक मौसममा तीन/चार वटाभन्दा बढी अडर नलिने गरेको एभरेस्ट म्यानेजमेन्टका अध्यक्ष जेवी विष्टले बताए ।
उनी भन्छन, ‘विवाह होस् या कुनै पनि इभेन्टको व्यवस्थापन गर्न मानिसलाई समय छैन, एउटा मौसममा विवाहको काम गर्दा राम्रो प्रतिक्रिया आएपछि हामीले १० वर्षअघि विवाह इभेन्ट पनि सुरु गरेका हौं । बिजनेसम्यान, अन्तर्राष्ट्रिय गैरसरकारी संस्थामा काम गर्ने व्यक्तित्व तथा मध्यमवर्गीय परिवार जो बढी व्यस्त छन् उहाँहरूकै आग्रहमा यो अभ्यास सुरु गरिएको हो ।’
प्रतिक्रिया दिनुहोस !
