काठमाडौः लियो क्लब अफ काठमाडौं निर्वानाको आयोजनामा केही युवाले मंगलबार पशुपति क्षेत्रस्थित वृद्धा श्रममा प्रणय दिवस मनाएका छन् ।
दुई प्रेमीबीच डेटिङ र उपहारसँग मात्र जोडेर हेर्ने गरिएको प्रणय दिवसलाई यी युवाले वृद्धवृद्धाको सेवा गरेर मनाएका हुन् । १५ जनाको समूहले वृद्धवृद्धाको लुगा धोइदिएर, नुहाइदिएर, दाह्री काटिदिएर, ओछ्यान मिलाइदिएर र आ श्रम सफा गरेर प्रणय दिवस मनाएका हुन् ।
दुई सय ३० जना वृद्धवृद्धाको लागि चार वर्षदेखि प्रणय दिवस यस्तै हुने गरेको छ । क्लबले चार वर्षदेखि प्रणय दिवस वृद्धवृद्धासँग मनाउँदै आएको छ । प्रेम दुई प्रेमीहरूबीचमात्र होइन हरेक प्राणीसँग हुन्छ । प्रेमको फराकिलो आकारलाई महसुस गर्दै वृद्धवृद्धासँग माया साटेको कार्यक्रमका संयोजक राजन राज खनालले बताए ।
प्रतिक्रिया दिनुहोस !
