नेता गौतमको पुस्तक ‘तरुण’ को समीक्षा
प्यूठान : नेपाली कांग्रेस निकट नेपाल विद्यार्थी संघका युवा नेता ध्रुब गौतमद्वारा लिखित ‘तरुण’को बुधबार विजुवार प्यूठानमा पत्रकार भेटघाट गरी समीक्षा गरिएको छ।
नेपाली कांग्रेसको इतिहास, समाजवाद, तरुण र विद्यमान युवा नीति सम्बन्धी विषयवस्तु पुस्तकमा समेटिएको छ। बदलिदो परिवेश अनुसार राजनीतिमा रुचि राख्ने युवा पुस्तालाई पुस्तकले ज्ञान दिने लेखक गौतमले बताए।
समिक्षा कार्यक्रममा बोल्दै प्रमुख अतिथी कांगेस प्यूठानका सभापती अमंरप्रसाद भण्डारीले धेरै पार्टीले युवापंक्तीलाई ‘झण्डा’ दिनसके पनि ‘धन्दा’ दिन नसकेको विचार व्यक्त गरे।
कार्यक्रमका विशेष अतिथी पत्रकार महासंघ प्यूठानका अध्यक्ष गिरुप्रसाद भण्डारी र निवर्तमान अध्यक्ष सुशील पोख्रेलले जिल्लामा पठन संस्कृतिको विकास अझैसम्म हुन नसकेको धारणा राखे।
शुभकामना व्यक्त गर्दै नेपाली कांग्रेसका जिल्ला सचिव देवेन्द्र बर्मा र प्रेस युनियन प्यूठानका अध्यक्ष श्रीराम भण्डारीले युवालाई सही बाटोमा डोहो¥याउन पुस्तकको माध्यमबाट मद्दत पुग्ने विश्वास व्यक्त गरे।
प्रतिक्रिया दिनुहोस !
