आगलागी हुँदा दुर्इ घर खरानी, ४१ लाखको क्षती

दमकः झापाको गौरादह नगरपालिकामा बिहीबार बिहान आगलागी हुदा दुर्इ वटा घर पुर्ण रुपमा जलेर नष्ट भएको छ । आगलागी बाट ४१ लाख मुल्य बराबरको क्षती भएको छ ।

बिहान साढे एक बजे आगलगी हुँदा गौरादह नगरपालिका-१ बेलडाँगि चौक स्थित देबराज लिम्बुको २ तले काठको घर जलेर नष्ट भएको हो । त्यस्तै आगलागी बाट काठको घर संगै जोडिएको अर्को एक तले पक्कि घर समेत पूर्ण रुपमा जलेको इलाका प्रहरी कार्यालय दमकका प्रमुख राजन लिम्बुले जानकारी दिए ।

आगलागीबाट सोही घरमा भाडामा बसेका धन सिंह लिम्बुको समेत २ लाख ५० हजार नगद सहित सम्पुर्ण सामान जल्दा ११ लाख बराबरको क्षती भएको छ । त्यस्तै देबराजको आगलागीका कारण काठको २ तले घर , गर गहना , खाद्यान्न , लत्ता कपडा , पशुचौपाय जलेर नस्ट भएको छ ।

विद्युत सर्ट भई आगलागी हुँदा करिब ४१ लाख १७ हजार रुपैया बराबरको क्षती भएको र्इलाका प्रहरी कार्यालय दमकले जनाएको छ । आगो बिहान करिब साढे चार बजे दमक नगरपालिका र बिर्तामोडको दमकल, प्रहरी र स्थानिय बासिले नियन्त्रणमा लिएको प्रहरीले जनाएको छ । आगलागीबाट कुनै मानवीय क्षती भने नभएको प्रहरीले जनाएको छ ।