लियोद्वारा अन्तर्राष्ट्रिय युथ क्याम्प आयोजना गरिने
काठमाडौं: लियो क्लब अफ काठमाडौं मार्गदर्शनले १२ फागुनदेखि १७ गतेसम्म नेपालमै पहिलोपटक अन्तर्राष्ट्रिय युथ क्याम्प आयोजना गर्ने भएको छ।
'पर्यटन सम्भावनाको खोजी र उद्यमी बन्ने प्रयास' भन्ने मूल नारासाथ आयोजना हुन लागेको उक्त युथ क्याम्प दोलखा, सिन्धुपाल्चोक र काभ्रेपलाञ्चोक जिल्लामा केन्द्रित हुने क्लबले जनाएको छ। युथ क्याम्प दोलखाको सदरमुकाम चरिकोटमा उद्घाटन हुने र त्यसपछि लगातार जिल्लाका अन्य स्थानमा कार्यशाला गोष्ठी गरिनेछ।
उद्घाटन भएलगत्तै भोलिपल्ट दोलखाको जिरी, तेस्रो दिन माथिल्लो तामाकोसी गोंगर, चौथो दिन कालिञ्चोक भगवतीको मन्दिर, पाँचौं दिन खरिढुंगा र अन्तिम दिन काभ्रेको धुलिखेलमा क्याम्प बस्ने आयोजकले जनाएको छ।
गोष्ठीमा जिरीमा सांस्कृतिक प्रवद्र्धन र प्राविधिक शिक्षाको महत्व, नेपालमा हाइड्रोपावरको विकास, कालिञ्चोकमा धार्मिक पर्यटन र खरिढुंगामा फिल्म सिटी र प्राकृतिक स्रोतका व्यापारिक प्रयोग विषयमा छलफल हुनेछ।
प्रतिक्रिया दिनुहोस !
